Ad vybuchu zahinuŭ načalnik vojskaŭ radyjacyjnaj, chimičnaj i bijałahičnaj abarony US RF, hienierał-lejtenant Ihar Kiryłaŭ i, mahčyma, jaho kiroŭca.
Vybuch adbyŭsia siońnia rankam u Maskvie na Razanskim praśpiekcie.
U vyniku vybuchu zahinuŭ načalnik vojskaŭ radyjacyjnaj, chimičnaj i bijałahičnaj abarony US RF, hienierał-lejtenant Ihar Kiryłaŭ. Taksama zahinuŭ jahony pamočnik, paviedamlajuć blizkija da siłavikoŭ kanały. Kanał Mash śćviardžaje, što druhi zahinuły — kiroŭca hienierała — Illa P. Jon pryjechaŭ pa načalnika kala 6 ranicy, kab advieźci na pracu.
Pa słovach vidavočcaŭ, vybuch razdaŭsia, kali mužčyny vychodzili z padjezda. Imavierna, vybuchoŭka była ŭ samakacie, jaki stajaŭ kala doma.
Mužčyny pamierli na miescy.
U domie vyrvała dźviery i vybiła šyby. Taksama paškodžana słužbovaja mašyna hienierała.
Siońnia ŭ Kiryłava pavinien byŭ być bryfinh Minabarony, piša kanał 112.
Kamientary