Ad 11 da 25-ci. Skončyŭsia sud nad ukraincam i dvuma biełarusami, zatrymanymi pa spravie ab «padrychtoŭcy teraktaŭ»
Ukrainca Ivana Lichałata i biełarusaŭ Barysa Puchalskaha i Ivana Barodziča sudzili ŭ Minskim abłasnym sudzie ŭ zakrytym režymie z 22 kastryčnika. Ciapier Hienieralnaja prakuratura paviedamiła, jakim byŭ ahulny prysud.
Pavodle viersii Hienieralnaj prakuratury, abvinavačanyja
«na praciahu 2023 hoda ŭ ramkach złačynnaha ŭzajemadziejańnia z pradstaŭnikami ŭkrainskich śpiecyjalnych słužbaŭ źbirali i padavali im cikavyja źviestki, a taksama vykonvali inšyja supraćpraŭnyja zadańni, jakija mahli nanieści škodu nacyjanalnaj biaśpiecy Respubliki Biełaruś».
Barysu Puchalskamu i Ivanu Lichałatu zakidali sprobu padryvu na ŭčastku čyhunki ŭ Tałačynskim rajonie. Dziejańni Puchalskaha dadatkova kvalifikavalisia jak niezakonny abarot vybuchovych pryład i zdrada dziaržavie, a Lichałata — jak ahienturnaja dziejnaść. Ivan Barodzič abvinavačvaŭsia ŭ zdradzie dziaržavie i niedaniasieńni ab płanavanych i rychtavanych złačynnych dziejańniach.
U vyniku abvinavačanym pryznačali pakarańnie ŭ vyhladzie pazbaŭleńnia voli na termin ad 11 da 25 hadoŭ. Kolki kamu kankretna — u paviedamleńni Hienprakuratury nie kankretyzujecca.
Troch čałaviek, zatrymanych pa spravie ab «padrychtoŭcy teraktaŭ», pačnuć sudzić u kastryčniku
KDB moža prapanoŭvać ludziam supracu pad vyhladam ukraincaŭ. Analiz filma pra «terarystaŭ, jakich viało SBU»
KDB aryštavaŭ šeść čałaviek pa abvinavačańni ŭ pracy na Ukrainu i sprobach padryvu ciahnikoŭ z vajskovaj technikaj
Cichanoŭski raskazaŭ, što treba było rabić u žniŭni 2020-ha63
Kamientary