Minčanka kupiła ŭ mahazinie ŭpakavany chleb z žyvym čarviakom unutry
Minčanka zajaŭlaje, što kupiła ŭ hipiermarkiecie «Karona» na praśpiekcie Pieramožcaŭ chleb, pad upakoŭkaj jakoha znajšła žyvoha čarviaka. Videa jana dasłała ŭ redakcyju «Smartpres». Niečakany hość žyŭ u chlebie pšaničnym «Viaskovy», vytvorca TAA «Tytuń inviest» (uładalnik sietki «Karona»).
Chleb Nastaśsia kupiła 18 śniežnia pozna ŭviečary, siońnia ranicaj dziaŭčyna źviarnułasia praz sacsietki ŭ kramu z pretenzijaj.
«Žyviom u Łošycy. Kali b byli pobač — ja b viarnułasia jašče ŭčora», — raspaviała jana.
«Mnie vielmi škada, što adbyłasia takaja situacyja. Maja siamja zaŭsiody tam zakuplajecca, bo jakaść i vybar praduktaŭ — vydatny. Viedajecie, kali b heta byŭ dochły prus, ja b zrazumieła jašče, ale žyvy čarviak… U mianie niama tłumačeńnia hetamu, i chaciełasia b, kab administracyja heta patłumačyła», — zaŭvažyła jana.
«Smartpres» źviarnuŭsia pa kamientar u kramu, dzie byŭ nabyty hety chleb. U adździele markietynhu paviedamili, što atrymali zvarot Nastaśsi i buduć raźbiracca ŭ hetaj situacyi. Z pakupnicaj taksama papiarednie ŭžo źviazalisia. «Prosta tak hetaje pytańnie nichto nie pakinie», — paabiacali ŭ kramie.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj5
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary