U Minsku pamierła 85-hadovaja Valancina Baradulina, udava narodnaha paeta Biełarusi Ryhora Baradulina. Pra heta paviedamiła «Lusterka», spasyłajučysia na prezidentku Biełaruskaha PEN-Centra Taćcianu Niadbaj.
Valancina Baradulina z mužam Ryhoram
Pa słovach Taćciany Niadbaj, Valancina Baradulina pamierła ŭ Minsku na hetym tydni. Dakładnaja data śmierci i jaje abstaviny prezidentcy PEN-centra nieviadomyja.
Ryhor Baradulin pražyŭ z žonkaj Valancinaj bolš za 50 hadoŭ, žančyna ŭžo paśla jaho śmierci napisała pra ich sumiesnaje žyćcio nieprycharošanyja ŭspaminy. Sam jon pamior bolš za 10 hadoŭ tamu, 2 sakavika 2014 hoda.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Ty sa mnoju
I ŭ radaści, i ŭ biadzie,
I ŭ sumiatni viratlivaj,
I ŭ ciarplivaj markocie.
Tvajo pavadyrstva
Pa śviecie viadzie,
Ty krylle, jak łastaŭcy,
Daješ dušy na adlocie.
Ty sa mnoj,
Kab nie byŭ ja ŭ samocie nidzie.
Łaska Tvaja maładaja
Ad źnianackaj nadziei.
Kara Tvaja viduščaja viedaje,
Dzie
Žyvie dabrynia,
Dzie licha lišać lichadziei.
Ja da skonu ŭ pałonie Tvaim,
I paśla
Paprašusia zastacca
U viečnym pałonie dušoju.
Ja z Taboju,
Pakul mianie nosić ziamla.
I kali pierastanu być,
Zastanusia z Taboju.