Manaški Śviata-Jelisaviecinskaha manastyra dabralisia da Šviejcaryi
Biełarusy Šviejcaryi paviedamili, što manaški Śviata-Jelisaviecinskaha manastyra pradajuć svaje tavary na kaladnym kirmašy na Płoščy Refarmacyi ŭ Łuhana, piša telehram-kanał Motolkohelp.
Źviartaje ŭvahu, što infarmacyja ŭ ich pałatcy napisana na italjanskaj movie (Łuhana znachodzicca ŭ itałamoŭnym rehijonie krainy), a nie na francuzskaj ci niamieckaj. Heta śviedčyć pra toje, što jany pryjechali ŭ Łuhana śpiecyjalna, albo raniej znachodzilisia ŭ Italii, ale naŭrad ci naviedvali inšyja rehijony Šviejcaryi (tam havorać na inšych movach).
U pačatku śniežnia manašak hetaha manastyra vyhnali z kirmašu ŭ polskim Ščecinie paśla taho, jak biełaruskija i polskija ŚMI znoŭ nahadali, kaho jany padtrymlivajuć i kudy iduć srodki ad prodažu ich pradukcyi ŭ Jeŭropie. Paźniej vyśvietliłasia, što ich vyhnali jašče z adnaho kirmašu ŭ Polščy — u Toruni.
Akramia taho, u pačatku śniežnia stała viadoma, što Z-manaški ŭdzielničajuć u kirmašy ŭ Katavicach, jaki arhanizuje kampanija Jarmarki Śląskie. Bolš za dva tydni tamu tudy nakiravali zapyt arhanizataram hetaha kirmašu, ale da hetaha času nie atrymali adkazu.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary