Ad začynienaha Čyrvonaha kaścioła patrabujuć amal 150 tysiač rubloŭ
Na imšy 22 śniežnia probašč parafii zakrytaha Čyrvonaha kaścioła zakranuŭ «dalikatnaje pytańnie ab situacyi na kaniec hoda». Ksiondz Franc Rudź paviedamiŭ, što doŭh parafii pierad dziaržaŭnym pradpryjemstvam «Spadčyna», jakoje źjaŭlajecca ŭłaśnikam kaścioła, składaje 148 tysiač rubloŭ. Heta 43 tysiačy dalaraŭ pa ciapierašnim kursie, piša katoilk.life.
«Hety doŭh ja atrymaŭ, i heta na našaj parafii. Na zakančeńnie hoda niama z čaho asabliva padvodzić vyniki. Ale toje, z čaho ja z vami raspačynaju, takaja voś situacyja. Molimsia ab tym, kab my mahli viarnucca ŭ svoj kaścioł, i kab tam parafija žyła, jak heta było adpačatku», — skazaŭ śviatar.
Taksama jon padziakavaŭ parafii za toje, što jana družnaja, źbirajecca razam na praciahu apošnich hadoŭ, niahledziačy na toje, što chram začynieny. Adznačyŭ, što zachavalisia i chor, i malitoŭnyja supołki i hrupy.
Probašč nie kankretyzavaŭ, za što mienavita hety doŭh. Vierahodna, vypłata hetaj sumy źjaŭlajecca adnoj z umovaŭ taho, kab parafiju znoŭ puścili ŭ Čyrvony kaścioł, robić dapuščeńnie katolik.life.
Na viačerniaj Imšy śviatar dadaŭ, što doŭh byŭ adpačatku, kali jon prymaŭ parafiju, i što jaho daviadziecca vypłačvać. Pry hetym, nijakich finansavych srodkaŭ jamu nie pieradali, a rachunak parafii ŭvohule aryštavany pa rašeńni suda — i kali tam źjaŭlajucca niejkija srodki, ich adrazu zabirajuć na vypłatu doŭha.
U 2020 hodzie supolnaści ŭžo vystaŭlali patrabavańnie apłacić bujnuju sumu. Tady jana była jašče bolšaj — 156 tysiač rubloŭ. Heta abumoŭlivali «amartyzacyjaj» chrama i padatkami za karystańnie ziamloj. Tady ŭ parafii paličyli niepravamiernymi takija patrabavańni i prasili pieradać kaścioł va ŭłasnaść supolnaści. Adnak hetaha nie adbyłosia.
U Kuryi archidyjacezii tady nazvali vypłaty niepadjomnymi i niespraviadlivymi.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary
Niachaj Boh daruje našamu narodu našyja hrachi što adviarnulisia ad viery prodkaŭ i svaich nacyjanalnych simvałaŭ, što stracili byłuju vielič svajoj krainy i niachaj dapamoža nam viarnuć svabodu i ŭstalavać lidaraŭ jakija majuć mudraść i słužać Bohu, narodu i krainie i paviaduć krainu ŭ pravilnym nakirunku.
Niachaj zrynuć z našaha kraju i z ŭsich ŭpłyvovych pasad ŭsie nieprystojnyja asoby, chto nienavidzić naš narod, chto nie słužyć Biełarusi, usie chto paviazaŭ siabie ŭ karupcyi, słužeńni čužyncam, chto žyvie suprać Słova Božaha.
Niachaj našy lidary buduć ludźmi jakija šanujuć Śviatoje imia Boha ad kaho jość sapraŭdnaja mudraść, šanujuć biełaruski narod, movu, kulturu, historyju.
My vierym i molimsia ŭ imia Jezusa Chrysta, Amien.
***
Budziem vieryć i malicca i sapraŭdnaja ŭłada ad Boha i naroda Biełarusi pieradaść kaścioł katalikam dla słužeńnia Bohu jak heta i było z dnia zasnavańnia kaścioła.
Amien.