Art-mieniedžara Alesia Čachoŭskaha zavočna asudzili na siem hadoŭ kałonii
U vyniku pierahladu spravy termin pavialičyli ŭ 28 razoŭ.
U Bresckim abłasnym sudzie 13 śniežnia vynieśli novy prysud art-mieniedžaru Alesiu Čachoŭskamu — siem hadoŭ kałonii i štraf 800 bazavych vieličnyjaŭ (32 000 rubloŭ), piša «Viasna».
Jaho spravu nanoŭ razhladali paśla taho, jak Viarchoŭny sud padčas apielacyi admianiŭ prysud piaci fihurantam spravy «Rudabielskaj pakazuchi» ŭ častcy pryznačeńnia zavočnaha pakarańnia Čachoŭskamu ŭ vyhladzie troch miesiacaŭ aryštu. Ciapier u abvinavačvańnie jamu dadali dva novyja artykuły. Novy prysud art-mieniedžieru vynies Siarhiej Bieraziuk.
U červieni 2024 hoda jon byŭ asudžany na try miesiacy aryštu za «abrazu pradstaŭnikoŭ ułady» (art. 369 KK) i «ździek ź dziaržaŭnych simvałaŭ» (art. 370 KK).
Ale 20 vieraśnia 2024 hoda Viarchoŭny sud padčas apielacyi admianiŭ prysud u dačynieńni da Čachoŭskaha i adpraviŭ jahonuju spravu na pierahlad u toj ža sud. Ciapier jaho sudzili pavodle čatyroch artykułaŭ Kryminalnaha kodeksa. Akramia art. 369 KK (abraza pradstaŭnikoŭ ułady) i art. 370 KK (ździek ź dziaržaŭnych simvałaŭ), jamu jašče vystavili abvinavačvańnie pavodle č. 1 art. 361-1 KK (kiraŭnictva ekstremisckim farmavańniem), č. 1 i 2 art. 361-4 KK (sadziejničańnie ekstremisckaj dziejnaści).
Nahadajem, 24 červienia 2024 hoda Andrej Pavuk byŭ asudžany da 12 hadoŭ pazbaŭleńnia voli i štrafu 5000 bazavych vieličyniaŭ, Volha Pavuk — da vaśmi hadoŭ pazbaŭleńnia voli i štrafu ŭ pamiery 2500 bazavych vieličyniaŭ, Marharyta Laŭčuk — šaści hadoŭ kałonii i štrafu ŭ pamiery 800 bazavych vieličyniaŭ, Illa Salankoŭ — da vaśmi hadoŭ kałonii i štrafu ŭ 700 bazavych vieličyniaŭ, Uładzisłaŭ Navažyłaŭ — da vaśmi hadoŭ kałonii i štrafu 500 bazavych vieličyniaŭ.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka3
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2525
Kamientary