Vialikabrytanija ŭpieršyniu prateściravała radyjochvalevuju sistemu supraćpavietranaj abarony. Što heta takoje?
Revalucyjnuju sistemu ŭžo prazvali «zabojcaj rojaŭ dronaŭ» za jaje ŭmieńnie źniščać adrazu niekalki bieśpiłotnikaŭ adnym tannym strełam.
Pahroza ad bieśpiłotnikaŭ stanovicca ŭsio bolš aktualnaj: drony mohuć vykarystoŭvacca dla špijonskich misij, pieravozki kantrabandy, a taksama dla ździajśnieńnia napadaŭ. Navat nievialikija madeli mohuć stvarać niebiaśpieku dla vajskoŭcaŭ abo hramadzianskaj infrastruktury, asabliva kali jany ruchajucca rojem.
Jak paviedamlaje aficyjny sajt urada Vialikabrytanii, kraina praviała pieršyja paśpiachovyja vyprabavańni radyjochvalevaj sistemy supraćpavietranaj abarony pad nazvaj Radio Frequency Directed Energy Weapon (RFDEW), zdolnaj źniščać roj dronaŭ za adzin ci niekalki strełaŭ.
Brytanskija vajskoŭcy zmahli vyvučyć mahčymaści RFDEW u roznych scenarach i bajavych umovach, prademanstravaŭšy efiektyŭnaść sistemy nie tolki suprać pavietranych dronaŭ, ale i suprać marskich i naziemnych.
Dalokaść vysokachutkasnaha radyjochvalovaha strełu dasiahaje adzin kiłamietr, a košt strełu nie pieravyšaje 10 brytanskich piensaŭ, ci 0,4 biełaruskaha rubla. Dziakujučy vysokaj aŭtamatyzacyi kiravać kompleksam moža tolki adzin apieratar.
RFDEW adroźnivajecca ad łaziernych sistem uzbrajeńnia, naprykład, brytanskaj DragonFire, typam vypramieńvańnia: zamiest enierhii śviatła vykarystoŭvajucca vysokačastotnyja radyjochvali, jakija pieraryvajuć suviaź pamiž bieśpiłotnikam i jaho apierataram. Heta dazvalaje albo prymusova pryziamlić dron, albo zabłakavać jaho dziejańni. Akramia taho, radyjochvalevaja zbroja biaśpiečnaja ŭ vykarystańni i nie vyklikaje nijakich razbureńniaŭ.
«Heta revalucyjny padychod u baraćbie z dronami, asabliva ŭ situacyjach, dzie važnaja dakładnaść i minimizacyja pabočnych paškodžańniaŭ», — havorycca ŭ zajavie Ministerstva abarony Vialikabrytanii.
Technałohija moža vykarystoŭvacca nie tolki ŭ vajennaj śfiery, ale i dla abarony masavych mierapryjemstvaŭ, abjektaŭ krytyčnaj infrastruktury ci aeraportaŭ. Vyprabavańni ŭžo dali stanoŭčyja vyniki, i nastupnym krokam stanie raspracoŭka bolš mabilnych i dastupnych viersij sistemy.
Ciapier čytajuć
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»5
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary