Izalavanaje plemia ŭ brazilskich trapičnych lasach źniali schavanaj kamieraj
Na kadrach z brazilskich lasoŭ — hołyja mužčyny z doŭhimi pałkami. Pa infarmacyi Nacyjanalnaha fondu karennych narodaŭ (Funai), jany naležać da tak zvanaha plemia Masaka (jano nazvanaje tak u honar raki, jakaja praciakaje praz hetuju terytoryju).
Pra źniataje plemia napisali The Guardian i brazilskaja hazieta O Globo.
Jak uładkavany pobyt hetaha plemia i na jakoj movie jano razmaŭlaje, zastajecca tajamnicaj, pryvodzić vytrymki BILD.
Raniej nazirańni pakazali, što pradstaŭniki hetaha plemia palujuć z dapamohaj trochmietrovych łukaŭ i pieramiaščajuć svaje pasieliščy ŭ miežach lesu ŭ zaležnaści ad siezonu. Dla abarony ad čužyncaŭ Masaka vysadžvajuć tysiačy vostrych šypoŭ u ziamlu — ich ciažka zaŭvažyć. Hetyja šypy ŭtykajucca ŭ nohi i mohuć navat prakołvać šyny.
Plemia Masaka znachodzicca pad vielizarnym ciskam z-za žyviołahadoŭli, vysiečki lesu i narkakartelaŭ. Tym nie mienš ekśpierty ličać, što za apošnija 30 hadoŭ kolkaść plemia pavialičyłasia sa 100 da 200-250 čałaviek.
Plemia paźbiahaje kantaktaŭ z sučasnym hramadstvam. Tym nie mienš fond Funai rehularna pakidaje dla ich instrumienty i padarunki. Heta robicca dla taho, kab Masaka nie rabavali fiermy abo lesanarychtoŭčyja łahiery — inakš mohuć pačacca śmiarotnyja sutyknieńni.
U Brazilii adsutničaje śpiecyjalnaje zakanadaŭstva, jakoje abaraniaje izalavanyja plamiony. Tamu ahraindustryja ŭ pryvatnaści časta parušaje ich pravy.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j21
Kamientary