U Kramli admovilisia kamientavać pryčyny krušeńnia samalota ŭ Kazachstanie
Pres-sakratar prezidenta RF Dźmitryj Piaskoŭ zajaviŭ, što Kreml nie stanie rabić hipotezy pryčyn avijakatastrofy samalota Azerbaijan Arilines u Kazachstanie da zakančeńnia śledstva.
«Da vysnoŭ śledstva vybudoŭvać jakija-niebudź hipotezy było b niasłušna. My, kaniešnie ž, hetaha rabić nie budziem, i nichto nie pavinien hetaha rabić. Treba dačakacca zakančeńnia śledstva», — skazaŭ Piaskoŭ.
Paśla krušeńnia samalota Azerbaijan Arilines u Kazachstanie na abłomkach łajniera zaŭvažyli ślady, padobnyja na paškodžańni ad elemientaŭ zienitnaj rakiety. Takim čynam źjaviłasia viersija, što samalot mahli atakavać rasijskaja SPA, jakija 25 śniežnia adbivali ataku ŭkrainskich bieśpiłotnikaŭ.
U Kazachstanie nazvali takija zdahadki «śpiekulacyjami».
U toj ža čas telehram-kanał VČK-OHPU zajaviŭ, što jamu ŭdałosia aznajomicca z poŭnaj rasšyfroŭkaj pieramoŭ ekipaža rejsa Baku — Hrozny z dyśpietčaram u Hroznym. Ź jaje vynikaje, što samalot padbili zienitnaj rakietaj.
25 śniežnia pasažyrski samalot Embraer 190 avijakampanii AZAL, jaki vykonvaŭ rejs pa maršrucie Baku — Hrozny, raźbiŭsia za try kiłamietry ad aeraporta Aktau.
Na borcie pavietranaha sudna znachodzilisia 67 čałaviek, u tym liku 62 pasažyry i 5 členaŭ ekipaža. Pavodle abnoŭlenych danych, siarod pasažyraŭ byli:
- 37 hramadzian Azierbajdžana, ź ich 23 čałavieki zahinuli, 14 vyžyli;
- 3 hramadzian Kyrhyzstana, usie vyžyli;
- 16 hramadzian Rasii, ź jakich 7 zahinuli, 9 vyžyli;
- 6 hramadzian Kazachstana, usie jany zahinuli.
Abodva piłoty samalota zahinuli. Ź piaci členaŭ ekipaža troje zastalisia žyvymi.
-
Danija vyrašyła nabyć vysokadakładnuju zbroju dla strymlivańnia Rasii. Rasijski pasoł nazvaŭ heta varjactvam
-
«Tyranija znoŭ pahražaje Jeŭropie». U Łondanie adbyŭsia bankiet u honar Donalda Trampa
-
Polskija vajskoŭcy bjuć tryvohu praz zaležnaść ad amierykanskaj zbroi, jakuju ZŠA mohuć zabłakavać adnym klikam
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary