Šachmatysta Mahnusa Karłsena dyskvalifikavali na čempijanacie śvietu za viernaść džynsam
Na čempijanacie śvietu pa chutkich šachmatach u Ńju-Jorku razhareŭsia skandał: były čempijon śvietu, narviežski šachmatyst Mahnus Karłsen byŭ dyskvalifikavany za parušeńnie dres-koda. Na druhi dzień turniru, 27 śniežnia, jon pryjšoŭ u džynsach, što zabaroniena praviłami Mižnarodnaj šachmatnaj fiederacyi (FIDE), piša Bild.
Paśla papiaredžańnia i štrafu ŭ 200 jeŭra Karłsen admoviŭsia pieraapranucca, i heta pryviało da jahonaha vyklučeńnia z turniru.
«Spadar Mahnus Karłsen parušyŭ dres-kod, heta kateharyčna zabaroniena dziejnymi praviłami praviadzieńnia hetaha mierapryjemstva», — padkreślivajecca ŭ aficyjnaj zajavie FIDE.
Zhodna z praviłami, mužčynam padčas turniru zabaroniena nasić džynsy, spartyŭny abutak, kiepki i soncaachoŭnyja akulary. Karłsen ža zajaviŭ, što płanavaŭ pamianiać vopratku na nastupny dzień, ale patrabavańni zrabić heta nieadkładna paličyŭ niespraviadlivymi.
«Ja skazaŭ, što pamianiaju vopratku zaŭtra. Arhanizatary zajavili, što heta pavinna adbycca ciapier. Dla mianie heta pytańnie pryncypu — i voś my tut. Ja zanadta stary, kab turbavacca pra heta. Kali jany chočuć dyskvalifikacyi, ja pajdu kudy-niebudź», — skazaŭ jon.
Na momant vyklučeńnia Karłsen užo adstavaŭ ad lidaraŭ na paŭtara ačka i mieŭ mała šancaŭ abaranić svoj tytuł. Eks-čempijon śvietu taksama admoviŭsia ad udziełu ŭ čempijanacie śvietu pa blicy.
Incydent vyklikaŭ paraŭnańni z rasijskim šachmatystam Janam Niapomniaščym, jaki niekali taksama parušyŭ dres-kod, źjaviŭšysia na turniry ŭ krasoŭkach. Adnak jon pahadziŭsia adrazu ž pamianiać abutak i praciahnuŭ udzieł u čempijanacie śvietu.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
Priličnyje briuki šjut v atielje ili u častnoho portnoho. Vo vsiech luksovych mahazinach jesť portnoj, kotoryj podhonit ponravivšujusia modiel pod každyj vaš buhorok. Cieny tam nie 50 baksov, kak za paru Levajs. No otkuda tiebie pro takije mahaziny znať, evropiejec čumazyj. Zavtra na zavodik pod Pšiemyślem 2 smieny diełať.