Vybarčaja prahrama Kanapackaj: parłamienckaja respublika, zabarona lustracyi, a žančynam brać šlub možna z 17 hadoŭ
Bazavy ahitacyjny płakat vykanany pa-biełarusku. Słohan «Biełaruś dla ludziej» šmat u čym adsyłaje da kanceptu Siarhieja Cichanoŭskaha ź jahonaj «Krainaj dla žyćcia».
Kandydatka ŭ prezidenty — 2025 Hanna Kanapackaja apublikavała svaju pieradvybarčuju prahramu.
Pierakazvać dakumient papunktava niama vialikaha sensu. Pa-pieršaje, jon — jak i prahramy inšych palitykaŭ — utrymlivaje zanadta šmat ahulnych momantaŭ kštałtu raspoviedaŭ pra budučaje pavieličeńnie dabrabytu. Pa-druhoje, šancy na pieramohu Kanapackaj składajuć 0,00%.
Tamu źvierniem uvahu na momanty, jakija adroźnivajuć Kanapackuju ad Alaksandra Łukašenki i astatnich jaho sparynh-partnioraŭ.
Pa-pieršaje, bazavy ahitacyjny płakat vykanany pa-biełarusku. Słohan «Biełaruś dla ludziej» šmat u čym adsyłaje da kanceptu Siarhieja Cichanoŭskaha pra «Krainu dla žyćcia».
Situacyja z palityčnymi emihrantami ŭ jaje apisana adnym ahulnym skazam: «Pradastaŭleńnie ŭmovaŭ dla viartańnia i zabieśpiačeńnie harantyjaŭ dla siemjaŭ i asobaŭ, jakija pakinuli krainu pa ekanamičnych, palityčnych ci inšych matyvach».
Zhadana i pra palitviaźniaŭ. Pakolki vykarystoŭvać takoje słova ŭ ciapierašniaj Biełarusi ryzykoŭna, kamanda Kanapackaj abrała farmuloŭku «asoby, pryciahnutyja da adkaznaści za padziei papiaredniaha elektaralnaha cykłu». U adnosinach da ich prapanujecca «źmiahčeńnie pakarańnia z maksimalna mahčymym prymianieńniem amnistyi i pamiłavańnia».
Kanapackaja chacieła b pravieści refierendum i zrabić krainu parłamienckaj respublikaj.
Kandydatka vystupaje suprać zabaronaŭ na prafiesijnuju dziejnaść pa palityčnych matyvach i suprać lustracyj, adnak jaje pazicyja nie da kanca zrazumiełaja, bo jana ŭdakładniaje, što choča zabaranić tolki «pazasudovyja abmiežavańni». To-bok kali b lustracyju aformić rašeńniem suda, to Kanapackaja padtrymała b jaje?
Ekanamičny błok adpaviadaje tezisam rynkavaj ekanomiki: pryvatyzacyja, zakryćcio nieefiektyŭnych vytvorčaściaŭ, pryvatnaja ŭłasnaść na ziamlu, amnistyja kapitału.
Kanapackaja prapanuje pavysić pryzyŭny ŭzrost da 20 hadoŭ, a ŭ cełym pastupova pierachodzić da kantraktnaha vojska.
Kandydatka ličyć patrebnym zamacavać instytut surahatnaha maciarynstva, a žančynam dazvolić brać šlub z 17 hadoŭ.
Ciapier čytajuć
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava2
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary