Niekatoryja členy Paŭnočnaatłantyčnaha aljansu ličać niedastatkovym stan supraćpavietranaj abarony Vialikabrytanii, jakaja praktyčna nie maje srodkaŭ abarony ad balistyčnych rakiet. Pra heta havorycca ŭ publikacyi vydańnia The Sunday Times.
Pa słovach krynic haziety ŭ abaronnym siektary Vialikabrytanii, šerah krain NATA niadaŭna vykazali rasčaravańnie tym, što hetaja kraina nie robić dastatkovaha ŭniosku ŭ sistemy SPA dla abarony Jeŭropy ad rakietnych napadaŭ dalokaha radyusu dziejańnia.
Aŭdyt abarony Vialikabrytanii, jaki inicyjavaŭ urad premjera Kira Starmiera, taksama vyjaviŭ, što kraina nie maje naziemnych srodkaŭ SPA dla abarony krytyčna važnaj infrastruktury abo nasielenych punktaŭ ad balistyčnych rakiet, piša vydańnie.
Jak piša The Sunday Times, padčas chałodnaj vajny Vialikabrytanija rychtavałasia da abarony ad udaraŭ rakiet ź jadziernaj bojehałoŭkaj, tamu nie addavała pryjarytetu inšym sistemam SPA.
«Pryčyna taho, što Brytanija maje vielmi słabuju supraćpavietranuju abaronu, zaklučajecca ŭ tym, što ciaham 30 hadoŭ nichto nie dumaŭ, što jana nam patrebnaja», — zajaviŭ The Sunday Times vysokapastaŭleny čynoŭnik brytanskaha siektara abarony.
Pa słovach krynicy, Vialikabrytanija moža być atakavanaja z «luboha kirunku», kali balistyčnaja rakieta budzie vypuščanaja z karabla, padvodnaj łodki abo samalota.
«Praz 15 hadoŭ balistyčnaja rakieta zmoža parazić Brytaniju ź luboha punktu śvietu. Ale heta vielmi darahaja prablema, kab jaje vyrašyć», — dadaŭ surazmoŭca haziety.
Pavodle infarmacyi The Sunday Times, NATA ŭ 2025 hodzie ŭ ramkach svaich rekamiendacyj dziaržavam-členam pavialičyć vydatki na abaronu zrobić upor na raźvićcio sistem supraćpavietranaj abarony naziemnaha bazavańnia (SBAD).
U toj ža čas u brytanskim abaronnym siektary zaniepakojenyja tym, što praźmiernaja ŭvaha da SPA ŭ ramkach kalektyŭnaj abarony NATA moža pryvieści da adciahvańnia srodkaŭ ad bolš śpiecyfičnych patrebaŭ Vialikabrytanii, havorycca ŭ materyjale.
Ukraina pačała novy nastup u niekatorych rajonach Kurskaj vobłaści
Blinkien acaniŭ dziejańni Bajdena va Ukrainie i raskazaŭ, što budzie z ukrainska-rasijskaj miažoj i jakija nieparazumieńni mieŭ ź Izrailem
ZŠA «niezaŭvažna» pastavili va Ukrainu šmat zbroi jašče da pačatku kanfliktu z Rasijaj — Blinkien
Užyć jadziernuju zbroju suprać Ukrainy nie dazvoliŭ Pucinu Kitaj — Blinkien
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary