Adrazu niekalki rasijskich pravajennych kanałaŭ ranicaj u niadzielu paviedamili pra pačatak novaha nastupu ŭkrainskich vajskoŭcaŭ u Sudžanskim rajonie Kurskaj vobłaści.
U pryvatnaści, paviedamlajecca ab prasoŭvańni USU z boku Sudžy ŭ bok siała Vialikaje Sałdackaje.
Praryŭ adbyŭsia ŭ kirunku chutara Bierdzin uzdoŭž trasy 38K-004. Atakavali USU rasijskija pazicyi i ŭ siale Puškarnaje na race Kanapielka.
Pakul nieviadoma, nakolki maštabnaj stała ataka i jakija siły byli zadziejničanyja. Adnak ukrainskaje nastupleńnie, jak śćviardžajuć Z-błohiery, viadziecca pry ŭdziele bronietechniki.
«Situacyja ciažkaja. Pruć surjozna», — piša rasijski vajenkar Juryj Padalaka.
«U nastupie praciŭnik zadziejničaje trały raźminiravańnia, tanki i inšuju braniatechniku. Rajon ataki praciŭnik ščylna zakryŭ srodkami REB, tamu mnohija drony stanoviacca bieskarysnymi. Mahčyma, praciŭnik budzie sprabavać prabivacca i na inšych napramkach», — piša inšy vajenkar, Raman Alochin.
Pačatak ukrainskaj ataki paćvierdzili i na ŭkrainskim baku. Tak, Centr supraćdziejańnia dezynfarmacyi paviedamiŭ, što ŭ rasijan u Kurskaj vobłaści «vialikija pieražyvańni», bo atakavanyja jany byli adrazu ź niekalkich kirunkaŭ, što stała dla ich niečakanaściu.
«Kurskaja vobłaść, dobryja naviny. Rasija atrymlivaje toje, što zasłuhoŭvaje», — koratka prakamientavaŭ situacyju kiraŭnik Ofisa prezidenta Ukrainy Andrej Jarmak.
USU ŭdaryli pa siale Ivanaŭskaje ŭ Kurskaj vobłaści
Ukrainskija bajcy sił śpiecapieracyj zaniali siało ŭ Kurskaj vobłaści
Raźviedka Paŭdniovaj Karei: USU ŭziali ŭ pałon paŭnočnakarejskaha sałdata
Novaja chvala nastupleńnia Rasii i vojskaŭ KNDR u Kurskaj vobłaści. Što tam ciapier adbyvajecca i ci zmoža Ukraina ŭtrymać płacdarm
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary
Iz toho, čto vstriečałoś u raznych rośsijskich vojenkorov, eto 6 udarnych brihad i 2 rieziervnyje.
Jeśli bolšie ničieho niet - riezultaty budut rajonnoho masštaba.
Možiet paru horodkov voźmut.
Jeśli budiet vtoroj udar iz pod chaŕkova - po schodiaŝimsia na Obojań, tut užie intierieśnieje možiet połučiťsia.
No na vsie eto nužny siły i sriedstva.