U telehram-kanale, źviazanym z MZS Biełarusi, źjaviłasia paviedamleńnie, što 8-9 studzienia ŭ Mjanmie znachodzicca delehacyja na čale z ministram zamiežnych spraŭ Maksimam Ryžankovym.
Pra kankretnyja mety vizitu pakul ničoha nie paviedamlajecca, ale hety vizit układajecca ŭ ahulnuju tendencyju apošniaha času, kali režym Łukašenki, budučy izalavanym na zachodnim kirunku, šukaje ekanamičnaha i palityčnaha supracoŭnictva ŭ krainach Azii i Afryki.
Pry hetym u arbitu zacikaŭlenaściaŭ traplajuć i tyja krainy, supracoŭnictva ź jakimi było taksičnym navat dla biełaruskaha režymu, da taho ž z-za addalenaści i niezamožnaści krainy nie abiacajučy asablivych ekanamičnych dyvidendaŭ.
Tak, u lipieni minułaha hoda Ryžankoŭ naviedaŭ ź vizitam Paŭnočnuju Kareju, ź jakoj usie papiarednija 30 hadoŭ kiravańnia Łukašenki nijakich asablivych kantaktaŭ nie było, niahledziačy na toje, što tamtejšy režym trymajecca la ŭłady jašče bolš, čym łukašenkaŭski.
Siarod takich izhojaŭ i Mjanma ŭ Paŭdniova-Uschodniaj Azii, dzie ŭ 2021 hodzie da ŭłady paśla karotkaha pierapynku viarnułasia vajskovaja chunta.
Na minułym tydni Alaksandr Łukašenka vinšavaŭ kiraŭnictva Mjanmy ź dziaržaŭnym śviatam i pry hetaj nahodzie zaprasiŭ premjer-ministra hetaj krainy, staršyniu Dziaržaŭnaj administracyjnaj rady Min Aun Chłajna ŭ Minsk, vykazaŭšy zacikaŭlenaść u «chutkaj realizacyi značnaha patencyjału supracoŭnictva Biełarusi i Mjanmy ŭ handlova-ekanamičnaj, navukova-techničnaj i humanitarnaj halinach, vyjaŭleńni novych mahčymaściaŭ dla zbližeńnia dźviuch krain».
«Jeŭropa adpačyvaje». Ryžankoŭ pra ŭražańni ad vizitu ŭ KNDR
Kudy niebiaśpiečna jechać biełarusam, jakich na radzimie pieraśledujuć za palityku KARTY
Vyzvalenaja biełaruska raskazała, jak apynułasia ŭ pracoŭnym rabstvie ŭ Mjanmie i što tam rabiła
Kaniec chunty ŭžo blizki? Heta pra Mjanmu, dzie situacyja narešcie źmianiajecca
Ciapier čytajuć
Syna eks-kiraŭnika Bresckaj vobłaści asudzili za ŭdzieł u pratestach1
Kamientary