Amierykanski sienatar — praciŭnik hiejaŭ — publična pryznaŭsia ŭ homasieksualiźmie
Respublikaniec Roj Ešburn niaźmienna hałasavaŭ suprać abarony pravoŭ sieks‑mienšaściaŭ 14 hadoŭ.
Amierykanski sienatar‑respublikaniec Roj Ešburn, jaki niaźmienna hałasavaŭ suprać abarony pravoŭ sieks‑mienšaściaŭ, praz 14 hadoŭ znachodžańnia na pasadzie publična pryznaŭsia, što źjaŭlajecca homasieksualistam.
Niečakanaje pryznańnie prahučała ŭ efiry radyjostancyi KERN ŭ Kalifornii — kansiervatyŭnym u hetym sensie štacie, jaki i pradstaŭlaje sienatar. Tam, u pryvatnaści, zabaronienyja adnapołyja šluby.
U svaim intervju 55‑hadovy Ešburn, raźviedzieny baćka čatyroch dziaciej, zajaviŭ, što historyja jaho hałasavańniaŭ ŭ sienacie adlustroŭvaje mierkavańnie vybarščykaŭ, ale nie jaho ŭłasnaje. U pryvatnaści, u minułym hodzie jon vystupiŭ suprać dnia pamiaci zabitaha aktyvista za pravy hiejaŭ Charvi Miłka.
Svaju «ščyraść» sienatar patłumačyŭ patrebaj adkazać na čutki pra toje, što na dniach u Sakramenta jon naviedaŭ adzin z načnych hiej‑kłubaŭ. Heta adbyłosia pierad tym, jak jaho zatrymali za kiravańnie aŭtamabilem u niećviarozym stanie.
Roj Ešburn paviedamiŭ, što nie płanuje praciahvać palityčnuju ci hramadskuju dziejnaść paśla taho, jak sioleta skončycca termin jaho paŭnamoctvaŭ na pasadzie sienatara.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary