Palitviaźniu Vacłavu Arešku — 70 hadoŭ, jon asudžany na vosiem hadoŭ
18 studzienia spoŭniłasia 70 hadoŭ palitviaźniu Vacłavu Arešku. Viadomy aktyvist prafsajuzu REP treci raz adznačaje dzień naradžeńnia ŭ niavoli, piša Radyjo Svaboda.
Vacłava Arešku asudzili na 8 hadoŭ źniavoleńnia, jaho trymajuć u kałonii № 22 pad Ivacevičami.
Viadoma, što ŭ kałonii Vacłaŭ Areška praz uzrost vyzvaleny ad pracy na vytvorčaści, jon časta źviartajecca pa dapamohu da daktaroŭ. U palitviaźnia prablemy sa zrokam, navat listy damoŭ pišuć inšyja viaźni pa jahonaj prośbie.
Vacłava Arešku zatrymali 19 krasavika 2022 hoda. U toj dzień adnačasova byli aryštavanyja kiraŭniki i najbolš viadomyja aktyvisty biełaruskich niezaležnych prafsajuzaŭ. Amal praz hod, u studzieni 2023-ha, Vacłaŭ Areška byŭ asudžany na 8 hadoŭ źniavoleńnia va ŭmovach uzmocnienaha režymu. Siarod troch artykułaŭ Kryminalnaha kodeksa, pavodle jakich asudzili aktyvista, byŭ artykuł 361-1 pra stvareńnie «ekstremisckaha farmavańnia» i ŭdzieł u im.
Hetkim farmavańniem biełaruskija ŭłady pryznali prafsajuz REP (Biełaruski prafsajuz rabotnikaŭ radyjoelektronnaj pramysłovaści), u jakim Areška redahavaŭ biuleteń prafsajuzaŭ REP.
Ciapierašni palitviazień kałonii «Vaŭčynyja nory» Vacłaŭ Areška taksama viadomy jak dziejač biełaruskaj kultury, jon zajmaŭsia redaktarskaj i litaraturnaj dziejnaściu.
Vacłaŭ Areška pracavaŭ u Teatry junaha hledača i Nacyjanalnym mastackim muziei, vykładaŭ u Biełaruskaj dziaržaŭnaj akademii mastactvaŭ, raspracavaŭ prahramu novaha navučalnaha kursa «Historyja i teoryja kultury Biełarusi», vioŭ raździeł knižnych i kampjutarnych recenzij u «Našaj Nivie», redahavaŭ elektronny sajt-archiŭ «Vytoki», vystupaŭ jak aktyvist inicyjatyvy «Ekśpierty ŭ abaronu Kurapataŭ», inicyjavaŭ stvareńnie «Knihi honaru Kurapataŭ» u pamiać pra achviar represij.
Jak litaratar Vacłaŭ Areška drukavaŭsia ŭ časopisach «Spadčyna» i Arche, pierakładaŭ sa starapolskaj movy tvory biełaruskaha baroka.
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary