Japonski telekanał zrabiŭ makiet turemnaj kamiery, u jakoj siadzić prezident Paŭdniovaj Karei
Zaraz prezident utrymlivajecca ŭ kamiery, padobnaj da hetaj, u palicejskim učastku Sieuła.

Japonski telekanał TBS News dla aśviatleńnia aryštu prezidenta Paŭdniovaj Karei Jun Sok Jola stvaryŭ makiet jaho turemnaj kamiery.
Zaraz prezident utrymlivajecca ŭ kamiery, padobnaj da hetaj, u palicejskim učastku Sieuła. U kamiery jość tualet, televizar i paścielnaja bializna.
Były prezident Pak Kyn Chie taksama znachodziłasia ŭ padobnaj kamiery ŭ palicejskim učastku Sieuła vosiem hadoŭ tamu.
Jun Sok Jol staŭ pieršym dziejnym prezidentam, aryštavanym u historyi Paŭdniovaj Karei.
Jaho aryštavali ŭ subotu, sudździa paličyŭ, što znachodziačysia na svabodzie, Jun, adchileńnie jakoha jašče pavinien uchvalić Viarchoŭny sud, moh by źniščyć dokazy mierkavanaha złačynstva. Ciapier jon moža znachodzicca pad vartaj da 20 dzion z momantu zatrymańnia albo da vystaŭleńnia aficyjnaha abvinavačańnia.
U pačatku śniežnia Jun Sok Jol paśla doŭhaha kanfliktu z parłamienckaj apazicyjaj abviaściŭ pra ŭviadzieńnie vajennaha stanovišča ŭ krainie. U krainie byli zabaronienyja palityčnyja partyi, pratesty, strajki, ukaz prypyniaŭ pracu parłamienta, uvodziŭ cenzuru i palavyja trybunały.
Juna padazrajuć u tym, što adnačasova jon zahadaŭ vojskam aryštavać členaŭ parłamienta, kab tyja nie admianili prezidencki ŭkaz. Deputaty prahałasavali za admienu vajennaha stanovišča ŭ toj ža čas, kali vajskoŭcy sprabavali zachapić budynak parłamienta.
Kamientary