Pa ŭsioj krainie kruciać film pra Alaksieja Tałaja. Kvitki pradajuć za 1 rubiel, ale ci jość hledačy?
Učora «Biełaruśfilm» ładziŭ pa ŭsioj krainie premjernyja pakazy filma «Ptuška Fieniks Alaksieja Tałaja». Prapahanda vychvalałasia poŭnymi kinazałami. Ale ci šmat achvotnych pahladzieć stužku siońnia?
Zdymali stužku pa zamovie Ministerstva kultury. Ad pačatku zdymkaŭ da pieršaha pakazu prajšło kala 5 miesiacaŭ. Dla premjery datu vybrali nie vypadkova — 22 studzienia byŭ dzień naradžeńnia Alaksieja Tałaja. Chronamietraž filma skłaŭ 26 chvilin.
Režysior Uładzimir Łucki zajaviŭ: «Ja doŭha šukaŭ kod, jaki b dapamoh mnie padyści da filma. Adnojčy ja vypadkova ŭbačyŭ frazu, jakaja, jak mnie padałosia, vielmi dakładna adlustroŭvaje toje, pra što ja chaču zdymać. Jana hučała prykładna tak: u Boha byŭ płan, kab historyja majho žyćcia stała nadziejaj dla inšych».
Adzin z hledačoŭ padzialiŭsia, jak jon nazvaŭ, «załatoj cytataj ź filma»: «Ruki, nohi… Hałoŭnaje — chvost!»
Na videa ahienctva «Minsk-Naviny» možna pabačyć, što ŭ zale na premjery šerahami siadziać dzieci ŭ adnolkavaj formie i vajskoŭcy.
U stalicy film budzie ŭ prakacie tydzień (da 29 studzienia). Dla pakazu abrany dva kinateatry — «Biełaruś» i «Biareście». Košt kvitkoŭ śmiešny — 1 rubiel.
Ale navat tannyja kvitki nie vyklikajuć ažyjatažu. U «Biełarusi» pradali na siońnia 14 kvitkoŭ, u «Biareści» — nul. U abłasnych haradach situacyja anałahičnaja. U Breście pahladzieć film pra Tałaja možna ŭsiaho za 70 kapiejek, ale na siońniašni pakaz pakul nie atrymałasia pradać nivodnaha kvitka ŭ maleńkuju zału na 25 miescaŭ. Na vychodnyja pakul taksama prodažy nulavyja.
Pry hetym, jašče ŭčora miascovyja ŚMI z zachapleńniem pisali pra premjeru: «Vialikaja zała kinateatra «Biełaruś» była poŭnaja hledačoŭ, jakija žadali ŭbačyć hetuju natchnialnuju historyju».
U Hrodnie, zdajecca, užo pajšła raznaradka vykupać kvitki. Bo pakul u kinateatry «Čyrvonaja zorka» pradadziena nul kvitkoŭ, u kinateatry «Uschod» niechta vykupiŭ paŭtara šerahu.
Nahadajem: biełaruskaha paralimpijca Alaksieja Tałaja Ukraina abvinavačvaje ŭ niezakonnym pieramiaščeńni ŭkrainskich dziaciej z časova akupavanaj terytoryi. Tałaj źniaŭsia taksama ŭ rasijskim filmie pra vajnu.
«Pieravychoŭvajuć i militaryzujuć». Dla suda ŭ Haazie padrychtavali dakład pra toje, chto i jak vyvozić ukrainskich dziaciej u Biełaruś
Alaksiej Tałaj zdymajecca ŭ rasijskim filmie pra vajnu
Alaksiej Tałaj prapanavaŭ dać Łukašenku zvańnie Hieroja Biełarusi
Alaksiej Tałaj — Pucinu: My — ruskija, z nami Boh!
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia20
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary