Chłopiec paskardziŭsia ŭ milicyju na machlaroŭ. Vyśvietliłasia, što jon vymańvaŭ hrošy sam u siabie
Žychar Biarozaŭskaha rajona prydumaŭ chitruju schiemu z fejkavym akaŭntam, ale papaŭsia.
Małady čałaviek dvojčy paviedamlaŭ siłavikam, što staŭ achviaraj machlaroŭ. Jon raspavioŭ, što pieršy raz u jaho skrali z rachunku 700 rubloŭ. A praź niekatory čas chłopiec nibyta straciŭ bolš za piać tysiač, jakija ŭziaŭ u kredyt.
Akazałasia, hrošy žychar Biarozaŭskaha rajona kraŭ sam u siabie, a potym prajhravaŭ ich na staŭkach. Chłopiec uziaŭ kredyt, stvaryŭ fejkavy akaŭnt u miesiendžary i pierapisvaŭsia sam z saboj ad imia machlaroŭ, piša «Na stražie».
Takim čynam jon chacieŭ apraŭdacca pierad baćkami: małady čałaviek bajaŭsia, što jaho buduć łajać za azartnyja hulni. U vyniku na chłopca zaviali kryminalnuju spravu za zaviedama łžyvy danos. Jamu pahražaje ad štrafu da troch hadoŭ turmy.
Kamientary