Tankiery z amierykanskim zvadkavanym pryrodnym hazam (ZPH) masava źmianiajuć maršruty i nakiroŭvajucca ŭ Jeŭropu zamiest pieršapačatkovych punktaŭ pryznačeńnia, piša Radyjo Svaboda.
Jak minimum siem sudnaŭ, jakija raniej nakiroŭvalisia ŭ Afryku, Aziju i Kałumbiju, źmianili kurs i ciapier ruchajucca da jeŭrapiejskich partoŭ.
«Niekatoryja sudny zrabili davoli rezkija pavaroty ŭ svaim napramku. Niazvykła bačyć stolki źmien maršrutaŭ i tak šmat vidavočnych razvarotaŭ», — adznačyŭ adzin z surazmoŭcaŭ vydańnia.
Pryčynaj takich rezkich manieŭraŭ stała imknieńnie trejdaraŭ skarystacca rostam cen na haz u Jeŭropie, vyklikanym spynieńniem rasijskich pastavak praz Ukrainu. Financial Times adznačaje, što ceny na haz na jeŭrapiejskim rynku ciapier znachodziacca na maksimalnym uzroŭni z kastryčnika 2023 hoda.
Pavodle danych analitykaŭ, pieranakiravańnie amierykanskich partyj ZPH z Azii ŭ Jeŭropu, dzie popyt i ceny značna vyšejšyja, moža pavialičyć prybytak bolš čym na piać miljonaŭ dalaraŭ za kožnuju partyju hruzu.
Tym časam Jeŭropa paśla spynieńnia tranzitu rasijskaha hazu praz Ukrainu sprabuje dyviersifikavać pastaŭki, naprykład, zakuplajučy haz u Azierbajdžana i Turcyi.
Adnačasova Kitaj imkniecca pryciahnuć na svoj bok pastaŭščykoŭ nafty i hazu ź Blizkaha Uschodu, u tym liku Saudaŭskuju Araviju, pierakonvajučy ich u niepradkazalnaści palityki Trampa, piša amierykanskaje vydańnie Forbes. Akramia taho, Piekin abiacaje Baku doŭhaterminovyja kantrakty na zakupku azierbajdžanskich enierharesursaŭ.
Ciapier čytajuć
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy12
Kamientary
zpra 5 -10 hod Biełaruś, budzie zusim inšaja , toje samaje było ŭ sierbaŭ , bałhar , hrekaŭ i h.d maja rekamiendacyja , sadki , klasy na Biełaruskaj movie , razmaŭlajem na kuchniach na rodnaj movie tady , ŭsie palityčnyja vyjduć značna chutčej ŭsio u našych rukach spadary !