Žurnalist budzie vieści žyvuju tranślacyju sa studyi «Biełsata» ŭ dzień hałasavańnia 26 studzienia. Jon raskazaŭ «Našaj Nivie», čamu viarnuŭsia na telekanał.
Aleś Zaleŭski raskazvaje, što paśla niekalki hadoŭ žyćcia ŭ Hruzii byŭ u pošuku pracy.
«Pačalisia pieramieny na «Biełsacie». Naturalnym čynam namalavałasia historyja majho viartańnia. Heta nie była vakansija, na jakuju treba było padavacca, ja sam napisaŭ kiraŭnictvu i prapanavaŭ. Byŭ taki ahulny intares: i z boku kiraŭnictva, i z majho boku, bo šukaŭ pracu. Była achvota, prynamsi, razhledzieć taki varyjant. I ŭsio dobra skłałasia.
«Biełsat» — adzinaje biełaruskamoŭnaje telebačańnie, dzie ja sapraŭdy mahu siabie realizavać. Pačuvajusia tut jak doma», — kaža jon.
Aleś Zaleŭski naradziŭsia ŭ Hrodnie. Źjaviŭsia na «Biełsacie» z momantu stvareńnia telekanała ŭ 2008 hodzie: pracavaŭ u varšaŭskim biuro, byŭ viadučym pieradačy «Tydzień u Abjektyvie». Ź ciaham času staŭ tvaram telekanała.
U 2014 hodzie Zaleŭski viarnuŭsia z Polščy ŭ Biełaruś. Źjaŭlaŭsia aŭtaram cykła «Repartaž Zaleŭskaha», a potym pieradačy «Ludskija spravy». U 2019-m raźvitaŭsia z «Biełsatam».
U kancy 2021 hoda zdaryŭsia skandał. Były supracoŭnik HUBAZiK Alaksandr Azaraŭ zajaviŭ, što, pa jaho infarmacyi, Aleś Zaleŭski supracoŭničaŭ z KDB. Zaleŭski abviarhaŭ heta.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary