Śviet55

Kavid, chutčej za ŭsio, maje łabaratornaje pachodžańnie, kaža novy kiraŭnik CRU

CRU ličyć, što ŭspyška karanavirusa «ź vialikaj vierahodnaściu» adbyłasia praz uciečku z kitajskaj łabaratoryi, čym raspaŭsiudziłasia ad žyvioł, piša Bi-bi-si.

Fota: Juan Karita / AP

Pradstaŭnik amierykanskaha raźviedvalnaha viedamstva zajaviŭ, što «źviazanyja z daśledavańniami» pryčyny bolš vierahodnyja, čym naturalnyja, hruntujučysia na najaŭnych danych».

Rašeńnie apublikavać novyja vysnovy CRU źjaŭlajecca adnym ź pieršych publičnych krokaŭ novaha kiraŭnika departamienta Džona Retklifa, pryznačanaha na hetuju pasadu prezidentam Donaldam Trampam u minuły čaćvier. Retklif kiravaŭ nacyjanalnaj raźviedkaj padčas pieršaha prezidenctva Trampa, i byŭ paśladoŭnym prychilnikam teoryi ab łabaratornym pachodžańni kavida, pa jakoj uciečka virusa adbyłasia ź Instytuta virusałohii ŭ kitajskim Uchani.

Hety instytut raźmieščany za 40 chvilinaŭ jazdy ad Chunania, dzie na žyviolnym rynku była znojdziena pieršaja krynica raspaŭsiudžvańnia infiekcyi.

U intervju Breitbart News, apublikavanym u piatnicu, Retklif zajaviŭ, što žadaje, kab CRU spyniła «zastavacca ŭ baku» i davać niejtralnyja acenki pa pytańni ab raspaŭsiudzie karanavirusa.

«Adno z pytańniaŭ, pra jakija ja šmat kazaŭ, — heta pahrozy ad Kitaja na niekalkich frantach, i, u pryvatnaści, čamu miljon amierykancaŭ pamierli, a CRU zastavałasia ŭ baku na praciahu piaci hadoŭ i ničoha nie rabiła, kab vyśvietlić pryčyny pachodžańnia kavida», — zajaviŭ novy kiraŭnik CRU, dadaŭšy, što dla hetaha heta źjaŭlajecca pytańniem pieršaha dnia pracy.

Zrešty, krynicy amierykanskich ŚMI ŭ dziaržaparacie adznačajuć, što novyja vysnovy nie hruntujucca na novych dadzienych. Novy dakład byŭ zamoŭleny ŭ apošnija tydni papiaredniaj administracyi Bajdena i byŭ zavieršany da taho, jak prezident Tramp viarnuŭsia ŭ Bieły dom.

Apublikavanaja ŭ subotu novaja spravazdača zasnavana na «nizkaj upeŭnienaści». Heta aznačaje, što sabranyja ŭ im raźvieddanyja źjaŭlajucca niapoŭnymi, niekančatkovymi i supiarečlivymi.

Kansiensusu adnosna taho pryčyny pandemii kavidu niama.

Jość tyja, chto padtrymlivaje teoryju «naturalnaha pachodžańnia», zhodna ź jakoj virus raspaŭsiudziŭsia siarod ludziej praz žyvioł, a nie praz ekśpierymienty navukoŭcaŭ abo jakija-niebudź łabaratoryi.

Teoryju ab «łabaratornaj uciečcy» asabliva aktyŭna admaŭlajuć navukoŭcy, jakija śćviardžajuć, što hruntoŭnych dokazaŭ na karyść hetaj teoryi niama.

Raniej Kitaj adchiliŭ mahčymaść «łabaratornaj uciečki» jak palityčnuju manipulacyju Vašynhtona.

U toj ža čas raniej vielmi kontraviersijnaja teoryja ciapier znachodzić bolš padtrymki ŭ raźviedvalnych viedamstvaŭ.

U 2023 hodzie kiraŭnik FBR Krystafier Rej zajaviŭ Fox News, što pavodle acenak jaho viedamstva «raspaŭsiudžvańnie pandemii (karanavirusa) chutčej za ŭsio stała vynikam incydentu ŭ łabaratoryi».

Kamientary5

  • Jo
    27.01.2025
    Vychodzić, Tramp mieŭ racyju. A stolki chiejtu było...
  • Čubaty bałaboł
    27.01.2025
    Kali navat hałoŭny crušnik biazdokazna tyražuje kanśpirałahičnyja teoryi, hamon toj krainie.
  • Znanije - siła
    27.01.2025
    Čubaty bałaboł, V načale 2020 h. francuzskij virusołoh profiessor Luk Montańje, udostojennyj v 2008 hodu Nobielevskoj priemii za otkrytije rietrovirusa VIČ, skazał, čto sudia po strukturie koronavirusa on vierojatnieje vsieho był sozdan v łaboratornych usłovijach.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»27

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Usie naviny →
Usie naviny

«My dumali, Minsk — kałhasny horad». Rasijanka ščyra ździviłasia, čamu adhrabła ŭ tyktoku ad biełarusaŭ23

U Bresckim IČU zdaryŭsia pažar, ratavalnikaŭ nie chacieli puskać

Błohiercy nie pradali rečy ŭ Paryžy z-za biełaruskaha pašparta22

Hienprakuratura zajaviła, što ŭ łahiery śmierci «Traścianiec» było źniščana 546 tysiač čałaviek, što ŭ 2,5 razy bolš, čym ličyłasia raniej19

Hałoŭčanka vypuściŭ pieršuju biełaruskuju załatuju manietu z «biełaruskaj syraviny»4

U Hrodnie napisali partret Karanika. Jaho paviesili ŭ adnoj halerei sa Stałypinym6

Ukrainiec, jaki pryjšoŭ sa ściaham UPA na kancert Karža, zapisaŭ vybačalnaje videa38

Pačynaje pracavać kruhłasutačnaja słužba ekstranaj psichałahičnaj dapamohi pa numary telefona1

«Minsktrans» admianiŭ niekatoryja aŭtobusy Minsk — Vilnia20

bolš čytanych navin
bolš łajkanych navin

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»27

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Hałoŭnaje
Usie naviny →

Zaŭvaha:

 

 

 

 

Zakryć Paviedamić