Jak achoŭnik Łukašenki akazaŭsia na adnym zdymku ź viadomymi biełaruskimi dobraachvotnikami
Na pres-kanfierencyi Alaksandra Łukašenki 26 studzienia siarod žurnalistaŭ vyłučaŭsia mocny chłopiec ź mikrafonam-piatličkaj na łackanie pinžaka. Žurnalisty REFORM.news vyrašyli daviedacca, chto heta, i znajšli niečakanaje.
Pieršapačatkova intryhi nie vyjšła, mužčyna akazaŭsia supracoŭnikam Słužby biaśpieki prezidenta. Heta asabisty achoŭnik Łukašenki — Łucejkovič Siarhiej Anatoljevič.
Jamu 33 hady. Žyvie ŭ Minsku. Terminovuju słužbu prachodziŭ u v/č 3214 unutranych vojskaŭ MUS. Udzielničaŭ u razhonie mitynhaŭ i demanstracyj.
Zajmaŭsia adzinaborstvami. Udzielničaŭ u spabornictvach pa hreplinhu. Heta taki vid spartyŭnaha adzinaborstva, jaki sumiaščaje ŭ sabie techniku ŭsich baraćbitaŭskich dyscyplin, ź minimalnymi abmiežavańniami pa vykarystańni bolevych i zadušlivych pryjomaŭ. Ličycca jeŭrapiejskaj madyfikacyjaj baraćby džyu-džytsu.
U 2018 hodzie na Adkrytym čempijanacie Minska pa hreplinhu ADCC u dyvizijonie «Amatary (+18)» u vahavoj katehoryi — 76 kh zaniaŭ 2-je miesca.
Voś jon na fota krajni źleva paziruje ź pieramožcam i bajcom, jaki zaniaŭ treciaje pryzavoje miesca.
Pryhledźciesia bolš uvažliva. Na fota znajomyja tvary. Hetych chłopcaŭ viedaje ŭsia postsavieckaja prastora.
Pobač z asabistym achoŭnikam Łukašenki biełaruskija dobraachvotniki Andrej (Nieśmiarotny) Traceŭski i pakul biez vusoŭ Ihar (Janki) Jankoŭ. Abodva ŭdzielničali ŭ pratestach 2020 hoda, źjechali ź Biełarusi va Ukrainu. U 2022 hodzie jany stvaryli Biełaruski dobraachvotnicki korpus i da hetaha času vajujuć na baku Ukrainy suprać rasijskich akupantaŭ.
Kamientary
- Boh stvaryŭ ludziej silnymi i słabymi. Pałkoŭnik Kolt uraŭnavažyŭ ichnyja šansy.