U Vašynhtonie ŭpaŭ pasažyrski samalot, sutyknuŭšysia ź viertalotam. Na borcie byli 64 čałavieki
U stalicy ZŠA ŭpaŭ u raku Patamak pasažyrski samalot. Jon sutyknuŭsia pry zachodzie na pasadku z vajskovym viertalotam, piša Bi-bi-si.
U śpisie pasažyraŭ samalota byli 60 čałaviek. U ekipažy byli čatyry čałavieki.
Što ź imi i ekipažam, pakul nieviadoma. Na miescy idzie pošukava-vyratavalnaj apieracy, u jakoj udzielničajuć katary i vadałazy. Patamak — paŭnavodnaja raka šyrynioj u sotni mietraŭ i hłybinioj u niekalki mietraŭ.
Fiederalnaje ŭpraŭleńnie hramadzianskaj avijacyi ZŠA (FAA) abviaściła, što łajnier Bombardier CRJ700 ździajśniaŭ rehularny rejs z horada Uičyta ŭ Kanzasie ŭ Vašynhton.
Na videa z kamiery nazirańnia vidać (udalečyni, u ciemry), jak nizka lacić samalot, jak miarkujecca, jaki idzie na pasadku ŭ aeraporcie imia Ronalda Rejhana na bierazie raki Patamak, sutykajecca ź inšym pavietranym sudnam, paśla čaho adbyvajecca vybuch.
FAA paviedamiła, što hetym inšym pavietranym sudnam byŭ vajenny viertalot Sikorsky U-60.
Ahienctva Reuters paviedamlaje, što na borcie viertalota byli troje vajskoŭcaŭ. Infarmacyi pra ich los taksama pakul niama.
Pientahon u karotkaj zajavie aficyjna paćvierdziŭ, što viertalot, jaki sutyknuŭsia z samalotam, byŭ armiejskim viertalotam z bazy Fort-Bielvuar u štacie Virdžynija, ale nie paviedamiŭ, kolki było čałaviek na borcie i što ź imi.
Aeraport imia Ronalda Rejhana znachodzicca prykładna za čatyry kiłamietry na poŭdzień ad Biełaha doma i Kapitolija.
Prezident ZŠA Donald Tramp vypuściŭ karotkuju zajavu, u jakoj paviedamiŭ, što atrymlivaje ŭsiu infarmacyju ab katastrofie i vyratavalnaj apieracyi.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary