Były kupałaviec Ihar Sihoŭ pryhadaŭ taksama, jak Łukašenka prapanoŭvaŭ kiniematahrafistam za ŭłasnyja hrošy zdymać filmy.
Ihar Sihoŭ sustrakaŭsia z Alaksandram Łukašenkam niekalki razoŭ. Adnoj z takich sustreč była narada pa prablemach kiniematahrafii.
«Sabralisia kinarežysiory, pradziusary, akciory. I ŭsie kazali: «Aj-aj-aj, nam nie chapaje hrošaj. I hetak dalej, i hetak dalej. «Biełaruśfilm» kazaŭ, dakładniej, režysiory, što z hrošaj, jakija vydzieleny byli na prajekt, 40 pracentaŭ zabiraje kinastudyja. A jak zdymać?
Jon usio heta słuchaŭ, słuchaŭ i kaža: «Bolš hrošaj vam nie dam. Bo, pa-pieršaje, ja nie vieru ŭ toje, što vy možacie źniać charošaje biełaruskaje kino. A tamu ja prapanuju vam taki varyjant. Tut jość pradziusary, akciory, režysiory. Vy zakładvajecie svaju majomaść, bieracie hrošy, zdymajecie kino, pakazvajecie mnie. Kali jano dobraje, to dziaržava ŭ vas jaho vykupić. I vy zmožacie viarnuć svaju majomaść». Hienijalny chod!» —
zhadvaje akaličnaści Sihoŭ u intervju jutub-kanału «Nastojaŝieje vriemia. Biełaruś».
Pa słovach byłoha kupałaŭca, biełaruskija akciory mahli atrymać vialikija hanarary tolki za zdymki ŭ rasijskich sieryjałach. Jaho samy vialiki hanarar byŭ za sieryjał «Navihatar»:
«Ja atrymaŭ niedzie 25 ci 26 tysiač dalaraŭ za paŭhoda zdymak. Što, naprykład, dla rasijan, ništo. Tamu kazać, što akciory ŭ Biełarusi (…) vałodajuć majomaściu, hrašyma, jany ŭvohule ni ŭ čym sabie nie admaŭlajuć… Ja sabie ni ŭ čym nie admaŭlaŭ, ale ja raźličvaŭ na toje, što mahu sabie dazvolić. Naprykład, uziać mašynu ŭ lizinh ja sabie moh dazvolić, tamu što ja razumieju, što čas ad času papadałasia kino, na jakoje mianie zaprašali. A heta zrazumieła, što 300 dalaraŭ za dzień ja moh zarabić i takim čynam za miesiac pahasić lizinh».
Ciapier Ihar Sihoŭ žyvie ŭ Varšavie i pracuje na ŭłasnym aŭto taksistam. Pa jaho słovach, zarobak składaje prykładna tysiaču jeŭra ŭ miesiac. Akramia hetaha mužčyna pieryjadyčna ŭdzielničaje ŭ roznych teatralnych i kinaprajektach.
«Apošni zdymačny dzień u kino ŭ mianie byŭ 800 jeŭra», — kaža Sihoŭ.
«Prosta padpišy praŭładny list i budzieš pracavać». Jak akcioru Iharu Sihovu ŭ 2020-m prapanoŭvali pakajacca
Ihar Sihoŭ: Padychodžu da Łukašenki i łaŭlu siabie na tym, što chaču sahnucca
«Dla mianie ŭsio adnaznačna». Ihar Sihoŭ, seks-simvał biełaruskaha kino, skončyŭ zdymacca ŭ Rasii i pracuje taksistam
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski27
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary