U Biełym domie pačali abmiarkoŭvać zakryćcio USAID jak niezaležnaha ahienctva
Dapamoha, jakuju ZŠA akazvajuć pa ŭsim śviecie, vierahodna, čakaje nie prosta zamarozka — miechanizm jaje vyłučeńnia moža być surjozna refarmavany.
Ahienctva ZŠA pa mižnarodnym raźvićci (USAID), jakoje raźmiarkoŭvaje hetuju padtrymku, moža stracić svaju niezaležnaść i apynucca pad kantrolem Dziarždepartamienta, paviedamili Reuters i Politico sa spasyłkaj na krynicy.
Heta budzie aznačać bolš surjoznyja prablemy dla niekamiercyjnych arhanizacyj, jakija atrymlivali finansavańnie ahienctva napramuju abo praź inšyja fondy.
Rada nacyjanalnaj biaśpieki ZŠA ŭžo praviała abmierkavańnie ab pieradačy USAID pad kantrol Dziarždepartamienta, raspaviała adna z krynic Reuters. Druhi surazmoŭca paćvierdziŭ, što abmierkavańnie viadziecca, ale adznačyŭ, što pastanova jašče nie pryniataja.
Pa słovach adnaho z surazmoŭcaŭ vydańnia, u Donalda Trampa jość paŭnamoctvy pazbavić USAID niezaležnaści, i jon moža padpisać adpaviedny ŭkaz užo ŭ subotu. Reuters adznačaje, što šyldy z łahatypam USAID užo źniali z budynka, dzie raźmiaščajecca ofis arhanizacyi.
U toj ža čas Politico adznačaje, što pieradača ahienctva pad kiravańnie Dziarždepartamienta amal napeŭna zapatrabuje adabreńnia Kanhresa. Ale navat kali farmalna arhanizacyja zachavajecca, jana stanie słabiejšaj i nie zmoža vyznačać ułasny paradak dnia, piša vydańnie.
▪Pradstaŭnik USAID admaŭlaŭ u hutarcy z Politico infarmacyju ab patencyjnym uklučeńni ŭ skład Dziarždepartamienta, nazvaŭšy paviedamleńni pra heta śpiekulacyjami.
Pazbaŭleńnie USAID niezaležnaści i pieradača ahienctva pad kantrol Dziarždepartamienta istotna źmienić toje, jak ZŠA raźmiarkoŭvajuć svaju zamiežnuju dapamohu, adznačaje Reuters.
Paśla ŭstupleńnia na pasadu Tramp prypyniŭ amal usiu mižnarodnuju dapamohu ZŠA na 90 dzion z metaj pravieści jaje aŭdyt na adpaviednaść źniešniaj palitycy novaj administracyi. Vyklučeńni byli zroblenyja dla humanitarnych prahram, «jakija ratujuć žyćci». Paśla hetaha niekatoryja finansavanyja ZŠA prahramy stali zakryvacca, nahadvaje «Ahienctva».
-
«Hety chłopiec, vidać, padasłany — u jaho boty načyščanyja»: Sieviaryniec raskazaŭ historyju źjaŭleńnia Daškieviča ŭ «Maładym froncie»
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary
Viačorko obmołviłsia słučajno hdie-to v intierv́ju pro śpisok 2000 !! projektov!