Homielskaja terabarona i jehiery «adbivali» napad desantnikaŭ z susiedniaj krainy i padarvali pabudovu
U Homielskaj vobłaści prajšli vučeńni terbarony «z ulikam vopytu vajny va Ukrainie».
Asobny strałkovy bataljon terbarony atrymaŭ zadaču pierajści da abarony druhoha rubiaža, zasiarodziŭšy asnoŭnyja namahańni ŭ napramku Łahunoŭ i Nosavičaŭ.
Pavodle lehiendy, u bok miažy Biełarusi rušyła hrupa desantnikaŭ susiedniaj dziaržavy. Dla ich likvidacyi byli nakiravany padraździaleńni terytaryjalnych vojskaŭ, abłasnoj inśpiekcyi achovy žyviolnaha i raślinnaha śvietu, a taksama Uzbrojenych sił.
Jak zajaviŭ namieśnik načalnika Hienštaba Andrej Kraŭčanka, padčas vučeńniaŭ prymianiaŭsia ŭ tym liku vopyt vajny va Ukrainie, paviedamlaje STB.
«Na prykładzie ŭsich łakalnych kanfliktaŭ, vopytu śpiecyjalnaj vajennaj apieracyi my bačym, što pytańni terytaryjalnaj abarony — važny, klučavy momant. Bo heta, pa sutnaści, rezierv Uzbrojenych sił, jaki vykonvaje dapamožnyja, dadatkovyja i navat u niekatorych vypadkach asnoŭnyja zadačy.
U nas šmat zadač — heta achova i abarona abjektaŭ, baraćba z adpaviednymi siłami. Ale razam z tym my razumiejem, što ŭ peŭnych situacyjach, jak tut, my budziem vykonvać zadačy sumiesna z Uzbrojenymi siłami dla adbićcia mahčymych pahroz ahresii», — adznačyŭ Kraŭčanka.
Padčas vučeńniaŭ terabarona padarvała sielskahaspadarčuju pabudovu — kab «strymać voraha» pavodle lehiendy i dapamahčy ahraryjam.
Ciapier čytajuć
U centry Minska tajamniča źnikła dačka dyrektara bujnoha ahrakompleksu3
Kamientary
Ja tak połahaju čto piervyj rubiež(mahazin sielpo) udieržať taki nie udałoś...piečal....