Kino

U Bierlinie kvitki na pakaz biełaruskaj stužki «Lebiadzinaja pieśnia Fiodara Ozierava» raskupili za hadzinu

Biełarusy sioleta ŭdzielničajuć u Bierlinale. Kvitki na debiut poŭnaha mietru biełarusa Juryja Siamaški pastupili ŭ prodaž ranicaj 12 lutaha, a ŭžo praz hadzinu ich raskupili, piša «Biełsat».

Kadr ź filma «Lebiadzinaja pieśnia Fiodara Ozierava» / Belarusian Film Network

«Lebiadzinaja pieśnia Fiodara Ozierava» raspaviadaje pra muzykanta. Siužet u karciny taki: za niekalki dzion da Novaha hoda 25-hadovy muzyka Fiodar Ozierov viartajecca dadomu paśla doŭhaha padarožža. Fiodar zasiarodžany na tym, kab sabrać hrupu i napisać novy materyjał. Adnak jamu nie ŭdajecca sabrać hrupu, bo ŭsie vakoł zakłapočanyja pahrozaj Treciaj suśvietnaj vajny, jakaja, pa čutkach, moža pačacca 1 studzienia. Niahledziačy na ŭsieahulnuju paniku, Fiodar nie hublaje samavałodańnia i maje namier pracavać nad novymi pieśniami.

Adnak jaho płany mianiajucca, kali jon vyjaŭlaje, što źnik jaho lubimy švedar z uzoram z ramonkaŭ. Jon vieryć, što hety švedar nadzialaje jaho mahičnymi zdolnaściami da napisańnia piesień, jak heta było ź jaho byłym uładalnikam — rok-zorkaj. Fiodar adpraŭlajecca ŭ duchoŭnaje padarožža, kab adšukać švedar i napisać novuju pieśniu da Novaha hoda.

Režysior Juryj Siamaška viadomy pierš za ŭsio jak aŭtar niezaležnych prajektaŭ: «Śmiećcievaja hałava», «Kali ja byŭ hienierał», «Kroŭ i karaokie» i h.d. Jaho pracy atrymlivali pryznańnie na biełaruskich kinafiestyvalach, a biełaruskaja premija kinakrytykaŭ «Čyrvony vieras» adznačyła jaho pracu «Śmiećcievaja hałava».

«Lebiadzinaja pieśnia Fiodara Ozierava» byŭ stvorany ŭ 2023 hodzie ŭ ramkach inkubatara mikrabiudžetnaha kino arhanizacyi Belarusian Filmmakers Network i padtrymany na konkursie Work-in-Progress u Kotbusie.

Prajekt Inkubatar mikrabiudžetnaha kino byŭ stvorany BFN u 2023 hodzie, kab padtrymać biełaruskich niezaležnych kiniematahrafistaŭ va umovach adsutnaści kinaindustryi.

«Mikrabiudžetnaje kino — heta nie tolki abmiežavańni, ale i mahčymaść stvaryć z nula estetyku i ideałohiju novaha biełaruskaha kino, — ličyćkamanda BFN. — Nam cikavyja nie sproby kapijavać lakały halivudskich błakbastaraŭ abo rasijskich sieryjałaŭ, a aŭtarskija vykazvańni».

Pakaz stužki zapłanavany na 14 lutaha u kinateatry Delphi Filmpalast ŭ ramkach siekcyi Berlinale Forum. Pačatak — a 21:30. Akramia hetaha stužku na kinafiestyvali pakažuć jašče trojčy:

  • 15-ha lutaha a 10:30 u kinateatry «Cubix 7» (heta budzie pres-pakazy dla akredytavanych na Bierlinale miedyjaŭ);
  • 16-ha lutaha a 18:30 u kinateatry «Colosseum 1» (kvitki pačnuć pradavacca 13-ha lutaha a 10:00 ranicy);
  • 22-ha lutaha ŭ 18:30 u kinateatry «Arsenal 1» (start prodažu kvitkoŭ — 19-ha lutaha a 10:00 ranicy).

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Madrydzie rasstralali byłoha daradcu Janukoviča8

U Madrydzie rasstralali byłoha daradcu Janukoviča

Usie naviny →
Usie naviny

U Lidskim rajonie mužčyna žyŭcom spaliŭ svajho znajomaha

U Smalavickim rajonie žychary praciahvajuć zmahacca suprać sažałki dla adkidaŭ ź Minska3

Adzinaja hmina ŭ Polščy, dzie pieramoh Mencen, zasielenaja biełarusami. Ale hałasavali nie jany19

Stryječnaha brata biełaruskaha komika Idraka Mirzalizade prysudzili ŭ Azierbajdžanie da 18 hadoŭ źniavoleńnia1

«Moładź bolš dušeŭnaja i dobraja za nas». U Navapołacku dzieci samaarhanizavalisia, kab dapamahčy mužčynu, jaki ŭpaŭ, padniacca4

Łukašenka pachvaliŭsia, što jamu na dzień naradžeńnia padaryli ŭsiudychod23

Łukašenku prapanavali zdabyvać redkaziamielnyja elemienty z pramysłovych adkidaŭ6

U biełaruskich kramach źjaviŭsia pradukt «Dubaj». Padobny da maroziva, ale nie zusim jano13

Jeŭrasajuz pryniaŭ 17-y pakiet sankcyi suprać Rasii. U śpisie i Minski zavod kołavych ciahačoŭ9

bolš čytanych navin
bolš łajkanych navin

U Madrydzie rasstralali byłoha daradcu Janukoviča8

U Madrydzie rasstralali byłoha daradcu Janukoviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić