U abmien na Marka Fohiela amierykancy pieradaduć Rasii Alaksandra Vińnika
U ZŠA aficyjna zakryli spravu rasijanina Alaksandra Vińnika, paviedamiŭ jahony advakat. Z učarašniaha viečara jon bolš nie ličycca ŭ śpisie źniavolenych.
Pa słovach abaroncy rasijanina, usie jurydyčnyja farmalnaści vykananyja, i ciapier ekstradycyi Vińnika ŭ Rasiju ništo nie pieraškadžaje.
Bieły dom taksama aficyjna paćvierdziŭ, što źniavolenaha ŭ ZŠA rasijanina Alaksandra Vińnika chutka pieradaduć Rasii. Pra heta na bryfinhu raskazała pres-sakratarka prezidenta ZŠA Donalda Trampa Kerałajn Livit.
Livit zajaviła, što ŭ ramkach abmienu ZŠA kanfiskavali bolš za 100 młn dalaraŭ, atrymanych Vińnikam u vyniku jaho złačynnych dziejańniaŭ.
Alaksandra Vińnika zatrymali ŭ Hrecyi 25 lipienia 2017 hoda pa prapanovie ZŠA, dzie jaho abvinavačvajuć u admyvańni ad 4 da 9 młrd dalaraŭ ZŠA praź internet-biržu kryptavalut BTC-e. Jon byŭ ekstradavany ŭ ZŠA 4 žniŭnia 2022 hoda.
Miarkujučy pa ŭsim, Vińnika abmianiali na amierykanca Marka Fohiela. U minułym nastaŭnik, vykładčyk anhła-amierykanskaj škoły ŭ Maskvie Mark Fohiel adbyvaŭ termin u Rasii pa abvinavačvańni ŭ handli narkotykami.
Jaho zatrymali ŭ žniŭni 2021 hoda pry sprobie ŭjechać u Rasiju z 17 hramami miedycynskaj marychuany, jakuju jamu prapisali ŭ ZŠA dla lačeńnia chraničnych bolaŭ. U 2022 hodzie Mark Fohiel byŭ asudžany da 14 hadoŭ pazbaŭleńnia voli. ZŠA pryznavali jaho niezakonna zatrymanym.
Pra vyzvaleńnie Marka Fohiela stała viadoma 11 lutaha.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary