Havorka idzie ŭ tym liku pra pakiet sankcyj, dziejańnie jakich ułady krain ES chočuć uzhadnić da treciaj hadaviny pačatku poŭnamaštabnaha ŭvarvańnia Rasii va Ukrainu 24 lutaha, piša «Radyjo Svaboda».
Ministr zamiežnych spraŭ Vienhryi Pieter Sijarta zajaviŭ, što jahonaja kraina nie pahodzicca ŭ paniadziełak padoŭžyć sankcyi. Hetaje rašeńnie jon patłumačyŭ nieabchodnaściu «dać čas miratvorčym namahańniam Trampa z Rasijaj».
Sijarta taksama zajaviŭ, što Vienhryja vystupić suprać prapanavanaha ES pakieta dapamohi na sumu 20 miljardaŭ jeŭra dla Ukrainy, «jaki nakiravany na ŭmacavańnie pazicyj Kijeva na pieramovach, a nie na padšturchoŭvańnie da miru».
Vienhryja ŭžo pahražała nakłaści vieta na padaŭžeńnie sankcyj suprać Rasii i Biełarusi ŭ studzieni. Premjer-ministr Polščy Donald Tusk tady zajaviŭ, što kiraŭnik vienhierskaha ŭrada Viktar Orban prajavić siabie jak «člen kamandy Uładzimira Pucina», kali sankcyi nie buduć padoŭžanyja.
U kancy studzienia sankcyi byli padoŭžanyja, kali Vuhorščyna adklikała piarečańni. Uzamien pradstaŭniki ES, kab zadavolić Budapiešt, abiacali ŭchvalić zajavu ab enierhietyčnaj biaśpiecy Jeŭrasajuza. Pavodle zajavy, Ukraina pavinna była dać harantyi taho, što jana adnović tranzit nafty ŭ Jeŭrasajuz z Rasii. Vienhryja raniej patrabavała ad Kijeva jak adnaŭleńnia tranzitu hazu praz Ukrainu, tak i, naprykład, harantyj biaśpieki trubapravoda «Turecki patok».
Siońnia Sijarta zajaviŭ, što hetaje abiacańnie było nibyta parušana, pakolki Ukraina pačała pieramovy ab adnaŭleńni tranzitu sa Słavakijaj, ale nie ź Vienhryjaj.
Tranzit hazu praz terytoryju Ukrainy byŭ spynieny z 1 studzienia paśla zakančeńnia kantraktu pamiž «Naftahazam» i «Hazpramam». Kijeŭ zajaviŭ, što nie płanuje padaŭžać pahadnieńnie.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia3
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Fica, Ŭrban - maje pamiežnyja barbarskija kniaźki, na Akrainie pryznaču vasałam londanzkaha dendy hienerał-docenta penitencyjarnaje navuki, jakomu cyhanka čverćstahodździa, jak suročyła vajnu.