U suviazi z kanfliktam ukrainskich uładaŭ i novaj administracyi Trampa ŭźnikaje pytańnie: ci moža jon zabłakavać dostup dla ŭkraincaŭ? Adkazvajem na hetaje pytańnie.
Jak pracuje Starlink?
Bolšaść spadarožnikavych srodkaŭ suviazi visiać na tak zvanaj hieastacyjanarnaj arbicie — 35786 kiłamietraŭ nad ziamloj. Takaja vyšynia dazvalaje spadarožniku zavisać nad adnoj i toj ža kropkaj na ziamli i pieradavać infarmacyju. Jak vynik — zatrymka sihnała vialikaja.
Starlink, u adroźnieńnie ad «kłasičnaj» suviazi, vykarystoŭvaje niekalki tysiač nievialikich spadarožnikaŭ, jakija lotajuć nad ziamloj na vyšyni 550 kiłamietraŭ. Heta dazvalaje skaracić zatrymku i pavysić chutkaść złučeńnia.
Rasijanie vykarystoŭvajuć Starlink u vajnie, i vielmi aktyŭna. Na rynku ŭ Rasii adzin terminał kaštuje ad 500 dalaraŭ. Ale ŭ asnoŭnym ich pradajuć vajskoŭcam i pryśviačajuć videa tamu, jak biaśpiečna vykarystoŭvać ich, zabivajučy ŭkraincaŭ. Terminały, pa źviestkach pradaŭcoŭ, aktyvavanyja na terytoryi Jeŭrasajuza i błakujucca vielmi redka.
Ci možna jaho adklučyć?
Prosty adkaz: tak. Starlink ciapier adklučany na bolšaj častcy terytoryi Rasii, akramia pamiežnych terytoryj, Kryma i Kalininhrada i sapraŭdy tam nie pracuje.
Sistema pracuje tak: karystalnik pieradaje sihnał na spadarožnik, spadarožnik pieradaje jaho na bazavuju stancyi na ziamli, jana źviazvajecca ź internetam i paśla viartaje adkaz karystalniku.
Usia ziamla dla sistemy padzielenaja na siehmienty. Robicca heta ź vialikaj dakładnaściu. Administratary sistemy abirajuć, dzie internet budzie pracavać, a dzie nie. Kali spadarožnik atrymaje sihnał z «zabaronienaj» zony, to prosta nie adkaža.
Ci mahčyma abyści błakiroŭku?
Tearetyčna mahčymyja sposaby ŭzłomu terminałaŭ Starlink. Ale sistema sprajektavanaja davoli nadziejna, tamu pakul heta niemahčyma. Rasijanie navučylisia tolki pieraškadžać ukraincam ich vykarystoŭvać.
Tamu na siońnia adkaz: nie. Mask sapraŭdy moža pazbavić ukrainskich vajskoŭcaŭ spadarožnikavaha interneta, kali zachoča.
«Naša Niva» — bastyjon biełaruščyny
PADTRYMAĆ
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary