Chłopiec śpiavaje pad dźviaryma byłoj dziaŭčyny sierenady. Kiepska ŭsim
Minčanka źviarnułasia ź niezvyčajnym pytańniem: da ich u padjezd prychodzić mužčyna, jaki raniej sustrakaŭsia z žycharkaj doma. Pa słovach žančyny, jon hučna hrukaje ŭ dźviery byłoj dziaŭčyny i śpiavaje sierenady. Pryčym robić heta rehularna: kožnuju piatnicu i ŭ vychadnyja pa načach.
Žančyna ŭdakładniła, što mužčyna ŭ takija momanty znachodzicca ŭ stanie apjanieńnia. Zahadzia vizity jon nie ŭzhadniaje i prychodzić niezaležna ad taho, ci doma byłaja dziaŭčyna. «Hrukaje i śpiavaje joj sierenady. Adrazu heta zabaŭlała, a ciapier razdražniaje: soramna zaprašać haściej, dy i zasnuć składana. Ci možna niešta zrabić?» — zadałasia pytańniem minčanka.
Žurnalisty Minsk-navinaŭ źviarnulisia pa kamientar da ŭčastkovaha.
— Hetaja situacyja hłybokaja i zakranaje adrazu niekalki prablem. Hučny i biezupynny hrukat u čužyja dźviery, kali haspadaroŭ zaviedama niama doma, moža być rascenieny jak drobnaje chulihanstva (art. 19.1 KoAP). Za naŭmysnyja dziejańni, jakija parušajuć spakoj hramadzian i vyjaŭlajucca ŭ vidavočnaj niepavazie da hramadstva, pakładzieny štraf ad 2 da 30 bazavych vieličyń (84 — 1260 rubloŭ na siońnia), abo hramadskija pracy, abo administracyjny aryšt.
Jašče važna pamiatać, što padjezd — hramadskaje miesca. Kali mužčyna praciahły čas znachodzicca pad dźviaryma susiedki ŭ stanie ałkaholnaha apjanieńnia i pavodzić siabie zadzirliva, to ŭčastkovy inśpiektar maje prava pryciahnuć jaho da administracyjnaj adkaznaści pa art.19. 3 KoAP, a sud — pryznačyć pakarańnie ŭ vyhladzie štrafu da 8 bazavych vieličyń (336 rubloŭ). Čakać vierdyktu hramadzianin moža ŭ izalatary časovaha ŭtrymańnia.
Taksama ŭ milicyi źviarnuli ŭvahu na jašče adnu prablemu hetaj historyi — stałkinh, ź jakim sutyknułasia dziaŭčyna. U takoj situacyi jana taksama moža źviarnucca ŭ milicyju.
— Supracoŭnik praviadzie z mužčynam prafiłaktyčnuju hutarku i rastłumačyć, što jaho pavodziny dastaŭlaje eks-siabroŭcy niazručnaści. U arsienale ŭčastkovaha jość i inšyja previentyŭnyja miery, jakija dazvolać nie dapuścić pierarastańnia psichałahičnaha hvałtu ŭ fizičny.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach10
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary