29-hadovuju supracoŭnicu kampanii «Pielenh» Karynu Prataščyk asudzili da dvuch hadoŭ pazbaŭleńnia voli. Jaje pryznali vinavataj pavodle č. 3 art. 361 KK (zakliki da dziejańniaŭ, jakija nanosiać škodu Biełarusi), piša «Viasna».
Sud nad dziaŭčynaj pačaŭsia 3 lutaha ŭ Minskim haradskim sudzie. Spravu Karyny razhladała Luboŭ Simachina.
Nieviadoma dakładna, kali jaje zatrymali — apošniaja aktyŭnaść u sacsietkach Karyny była bolš za paŭhoda tamu. Prykładna ŭ toj ža čas, u lipieni 2024 hoda, adbyvaŭsia masavy pieraśled supracoŭnikaŭ «Pielenha».
Pa źviestkach «Biełpoła», z 2017 hoda Prataščyk pracavała na «Pielenhu». Apošnim časam — kantraloram aptyčnych detalaŭ i pryboraŭ 5 razradu ŭ biuro techničnaha kantrolu aptyčnaj i kaśmičnaj vytvorčaści. Jana zajmałasia pravierkaj jakaści aptyčnych vyrabaŭ.
Kamientary