Sotni haściej, u tym liku členy karaleŭskich siemjaŭ Jeŭropy i kiraŭniki dziaržaŭ, sabralisia ŭ piatnicu ŭ Luksiemburhu na cyrymoniju pieradačy trona vialikim hiercaham Anry svajmu synu — vialikamu hiercahu Hijomu.
Anry ŭznačalvaŭ hiercahstva na praciahu 25 hadoŭ, ale ŭ kaladnym zvarocie 24 śniežnia minułaha hoda abviaściŭ pra namier syści na spačyn, piša Bi-bi-si.
U piatnicu jon aficyjna padpisaŭ dekłaracyju ab adračeńni na cyrymonii ŭ Vialikim hiercahskim pałacy ŭ prysutnaści kiraŭnictva Luksiemburha, karaleŭskich asob Niderłandaŭ i Bielhii, a taksama inšych zaprošanych. Anry — 70 hadoŭ. Hijomu — 43.
Premjer-ministr Luk Fryden padziakavaŭ vialikamu hiercahu Anry za hady słužby, adznačyŭšy, što narod Luksiemburha nie moh i maryć pra lepšaha suvierena. Zatym novy hiercah prynios prysiahu ŭ parłamiencie.
Na vychadnych Hijom i jaho žonka, vialikaja hiercahinia Stefanija, adpraviacca ŭ tradycyjny tur pa krainie. U pary dvoje synoŭ — piacihadovy Šarl i dvuchhadovy Fransua.
U adroźnieńnie ad inšych jeŭrapiejskich manarchij, vialiki hiercah Luksiemburha źjaŭlajecca i faktyčnym kiraŭnikom dziaržavy.
-
Prybytak Volkswagen upaŭ na 44%. Kancern skarocić 50 tysiač pracoŭnych miescaŭ u Hiermanii
-
U Polščy paviedamili pra zatrymańnie biełaruskaha «złodzieja ŭ zakonie». Voś tolki niezrazumieła, što ź im rabić dalej
-
Ukraina prapanoŭvała ZŠA technałohii procidziejańnia iranskim bieśpiłotnikam. Tyja nie zacikavilisia, ciapier ličać heta «najbolšym promacham»
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku
Kamientary