Hubiernatar Piermskaha kraju Rasii ranicaj u piatnicu paćvierdziŭ, što ŭnačy ŭkrainskija bieśpiłotniki atakavali Bieraźniki, dzie znachodzicca zavod amijačnaj sialitry i inšych chimikataŭ «Azot».
«Paškodžany dvuchkvaterny žyły dom. Na ščaście, achviar niama. Na «Azocie» było karotkačasovaje spynieńnie technałahičnaha cykłu, ciapier pradpryjemstva pracuje ŭ štatnym režymie. Pahroz ekałahičnaj situacyi niama, biaśpiecy žycharoŭ ničoha nie pahražaje», — napisaŭ Dźmitryj Machonin.
Viečaram 2 kastryčnika rasijskija ŚMI paviedamlali, spasyłajučysia na miascovych žycharoŭ, što na «Azocie» čuli dva mocnyja «chłapki» — tak na rasijskaj aficyjnaj movie nazyvajuć vybuchi.
Ukrainski telehram-kanał «Apieratyŭny ZSU» apublikavaŭ videa, u jakim hołas za kadram, imavierna, małady žychar Bieraźnikoŭ, raspaviadaje, što pa zavodzie «Azot» udaryli try drony.
Zavod «Azot» źjaŭlajecca najbujniejšym vytvorcam azotnych uhnajeńniaŭ u Rasii i adzinym pastaŭščykom šerahu chimičnych praduktaŭ, jakija vykarystoŭvajucca pry vytvorčaści vybuchovych rečyvaŭ.
Kamientary