Kampanija «Jeŭrahandal», jakaja kiruje handlovymi sietkami «Jeŭraopt», «Chit!» i «Hrošyk», apublikavała asnoŭnyja apieracyjnyja pakazčyki za 2024 hod.
Ź ich vynikaje, što roźničnaja vyručka charčovych kramaŭ rytejłara skłała 7,836 młrd rubloŭ. Heta na 834 młn bolš, čym u 2023 hodzie. Cikava, što handlovyja płoščy kampanii źmianilisia niaznačna — usiaho na 2,2 tys. kv. m, a ahulnaja kolkaść mahazinaŭ uvohule zastałasia raniejšaj — 1139 na kaniec 2024 hoda, piša Office Life.
Heta śviedčyć ab pavyšeńni efiektyŭnaści pracy handlovych kropak «Jeŭrahandlu». Kampanija pieraraźmiarkoŭvaje namahańni pamiž rehijonami i nasielenymi punktami, a taksama aptymizuje štat. Kolkaść jaje supracoŭnikaŭ skaračajecca ŭžo treci hod zapar. Na pačatak 2025-ha ich było 31,9 tys.
Asnoŭnaja častka handlovych płoščaŭ skancentravana ŭ Minsku — 23% ad ahulnaj kolkaści. Na druhim miescy — Homielskaja vobłaść (15%), na trecim — Bresckaja (14%). Na Minskuju i Viciebskuju vobłaści prychodzicca pa 13%, Hrodzienskuju — 12%, Mahiloŭskuju — 10%.
Dynamika rostu prodažaŭ kampanii, u paraŭnańni z vynikami III kvartała minułaha hoda, paskoryłasia. Tady rost vyručki ŭ hadavym vyražeńni aceńvaŭsia ŭ 10%.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni40
Kamientary