Usie vidy dapamohi ZŠA Ukrainie, uklučajučy pastaŭki bojeprypasaŭ i abstalavańnia, dazvolenyja i apłačanyja pry prezidenctvie Džo Bajdena, mohuć być nieadkładna skasavanyja, zajaviŭ aficyjny pradstaŭnik administracyi prezidenta ZŠA Donalda Trampa, paviedamlaje The New York Times.
Paśla poŭnamaštabnaha ŭvarvańnia Rasii pra pastaŭki vajskovaj dapamohi ZŠA abviaščali prykładna kožnyja dva tydni padčas administracyi Bajdena, a časam i čaściej.
Pa danych Pientahona, kala $3,85 miljarda zastałosia z taho, što Kanhres dazvoliŭ vyciahnuć z zapasaŭ Ministerstva abarony.
Były vysokapastaŭleny vajenny čynoŭnik z administracyi Bajdena skazaŭ, što apošniaja zbroja, jakuju Ukraina nabyvała ŭ amierykanskich abaronnych kampanij, budzie adpraŭlena na praciahu nastupnych šaści miesiacaŭ. Paśla hetaha Jeŭropie pryjdziecca samastojna padtrymlivać Ukrainu.
NYT adznačyŭ, što Tramp nastojvaŭ na «kampiensacyi» za vajskovuju dapamohu. Učora čakałasia padpisańnie pahadnieńnia, jakoje daść ZŠA dostup da minieralnych bahaćciaŭ Ukrainy.
U prajekcie pahadnieńnia nieakreślena zhadvalisia harantyi biaśpieki dla Ukrainy, tamu Zialenski pakinuŭ Bieły dom biez pahadnieńnia.
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA20
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary