Padmurak viežy znajšli jašče ŭ lipieni 2023 hoda.
Archieołahi paćvierdzili: u Kreŭskaha zamka była treciaja vieža. «Usio ž, pad zavałami razburanaj viežy, my znajšli jaho! Zachodni kut Treciaj (Śvidryhajłavaj) viežy», — napisaŭ u fejsbuk kiraŭnik raskopak, navukovy supracoŭnik Instytuta historyi Nacyjanalnaj akademii navuk Biełarusi Aleh Dziarnovič. Kalehi vinšujuć jaho ź siensacyjaj!
Padmurak viežy znajšli jašče ŭ lipieni 2023 hoda, paviedamlaje ŭ svaim telehramie Biełaruski instytut publičnaj historyi.
Aleh Dziarnovič tady pisaŭ: «Praŭdapadobna, što mienavita ŭ hetym miescy vojski kniazia Śvidryhajły ŭ 1433 hodzie prarvalisia na zamak. Vieža była paškodžana i bolš nie adnaŭlałasia. Hetaje adkryćcio pierakreślivaje mierkavańnie, jakoje panavała dziesiacihodździami: što Kreŭski zamak byŭ dastatkova prymityŭny, trapiecyja ź dźviuma viežami. Vyśviatlajecca, što struktura zamka była bolš składanaja i bolš razhalinavanaja».
Da hetaha było viadoma tolki pra dźvie viežy Kreŭskaha zamka: Kniaskuju i viežu Vitaŭta.
Jany stajali ŭ kutach zamka i byli pabudavany na miažy XIV i XV stahodździaŭ. Pieršyja, jašče paviarchoŭnyja znachodki pakazvajuć, što ŭjaŭleńni pra zamak byli zusim nie takim, jakim jon byŭ nasamreč.
Heta adkryćcio dadaje daśledčykam jašče bolš pytańniaŭ. Naprykład, chto budavaŭ sutareńni?
U tyja časy ich mieli tolki važnyja budynki, u kaściołach, naprykład, jany pačali źjaŭlacca paźniej — na miažy XV — XVI stahodździaŭ. Adkul byli majstry, jakija pabudavali sutareńni ŭ XIV stahodździ? Da taho na našych ziemlach byli viadomyja vizantyjskija majstry, a tut — vidavočna hatyčny styl.
Navukoviec vykazaŭ dumku, što heta byli hanziejskija majstry z Paŭnočnaj Hiermanii, jakija pierabralisia ŭ Ryhu i Karaleviec (ciapierašni Kalininhrad). Mahčyma, jany ŭźviali dla nas taki budynak, jak Kreŭski danžon sa sklapami.
Cikava, što naš biełaruski mastak Jaŭhien Kulik (1937-2002) taksama viedaŭ pra najaŭnaść u Kreŭskim zamku treciaj viežy. Na jaho malunku-rekanstrukcyi z 1980-ch hadoŭ Kreŭski zamak z tryma (!!!) viežami.
Ciapier čytajuć
Pamierła 45-hadovaja eks-palitźniavolenaja Tamara Karavaj. Letaś jaje vyzvalili pa pamiłavańni5
Kamientary