Izrailski bok zacikaŭleny ŭ sasłablenaj i decentralizavanaj Siryi, a važnym faktaram, što spryjaje hetamu, moža stać zachavańnie ŭ krainie rasijskich vajskovych baz — vajskova-marskoj bazy ŭ Tartusie i avijabazy Chmiejmim u Łatakii. Pra heta paviedamlaje Reuters, spasyłajučysia na daśviedčanyja krynicy.
Pavodle źviestak ahienctva, Izrail aktyŭna łabiruje hetuju ideju ŭ ZŠA, razhladajučy rasijskuju prysutnaść jak supraćvahu rostu ŭpłyvu Turcyi ŭ rehijonie. Uzmacnieńnie Ankary, jak ličać u Tel-Avivie, stvaraje surjoznuju pahrozu biaśpiecy jaŭrejskaj dziaržavy.
Krynicy ahienctva adznačajuć, što napružanaść pamiž Izrailem i Turcyjaj rezka ŭzmacniłasia padčas kanfliktu ŭ Hazie, što stała dadatkovym faktaram zaniepakojenaści Izraila.
Pa słovach izrailskich čynoŭnikaŭ, novyja isłamisckija ŭłady Siryi, jakija padtrymlivajucca Ankaroj, ujaŭlajuć niepasrednuju pahrozu izrailskim miežam.
Izrail pradstaviŭ svaju pazicyju Vašynhtonu ŭ lutym, davioŭšy arhumienty da viedama najvyšejšych słužbovych asob administracyi ZŠA i Kanhresa. Pra heta paviedamili try amierykanskija krynicy i jašče adzin čałaviek, znajomy z chodam pieramoŭ.
Padčas hetych sustreč izrailskija aficyjnyja asoby padkreślili pazityŭny aśpiekt praciahłaj prysutnaści Rasii ŭ Siryi, što vyklikała ździŭleńnie ŭ niekatorych pradstaŭnikoŭ amierykanskaha boku. Niekatoryja ŭdzielniki pieramoŭ vykazali mierkavańnie, što Turcyja, budučy členam NATA, źjaŭlajecca bolš prydatnym harantam biaśpieki ŭ rehijonie. Adnak, jak śćviardžajuć krynicy, Izrail kateharyčna nie pahadziŭsia z hetym śćviardžeńniem i nastojvaŭ na svaim bačańni situacyi.
«Izrail bolš za ŭsio baicca, što Turcyja voźmie pad abaronu novy isłamiscki paradak u Siryi, jaki z časam moža pieratvarycca ŭ apornuju bazu dla CHAMAS i inšych radykalnych hrupovak», — zajaviŭ Aron Łund, analityk amierykanskaha daśledčaha centra Century International.
Pavodle danych krynic, pakul niezrazumieła, u jakoj stupieni administracyja prezidenta ZŠA Donalda Trampa hatovaja razhladać prapanovy Izraila. U Vašynhtonie dahetul nie dali vyraznych sihnałaŭ pra svaju stratehiju ŭ dačynieńni da Siryi, u tym liku datyčna budučaha sankcyjnaha režymu i mahčymaha zachavańnia amierykanskaha vajskovaha kantynhientu ŭ paŭnočna-ŭschodniaj častcy krainy.
Režym Bašara Asada, jaki kiravaŭ pierad tym u Siryi dziasiatki hadoŭ, abrynuŭsia u śniežni minułaha hoda ŭ vyniku nastupu paŭstanckich sił, klučavuju rolu ŭ jakich adyhrała hrupoŭka «Chajat Tachryr aš-Šam». Časovym siryjskim prezidentam staŭ Achmied Al-Šaraa, viadomy taksama jak Abu Muchamied al-Džułani. Sam Asad uciok u Rasiju.
Ciapier na terytoryi Siryi znachodziacca dźvie rasijskija vajskovyja bazy — u Tartusie i Chmiejmimie, jakija Maskva atrymała ŭ arendu terminam na 49 hadoŭ u 2017 hodzie.
Jeŭrasajuz prypyniŭ častku sankcyj suprać Siryi
U Siryi kałonu rasijskich vajskoŭcaŭ nie puścili na bazu ŭ Tartusie
Zamiest Rasii vajskovyja bazy ŭ Siryi moža raźmiaścić Turcyja
Novyja ŭłady Siryi patrabujuć ad Rasii vydać Bašara Asada
U port Tartusa pryjšli rasijskija karabli. Rasija vyvodzić vojski ź Siryi?
U internecie raźlacieŭsia fejk pra atručeńnie ŭ Maskvie siryjskaha dyktatara Bašara Asada
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ19
Kamientary