U starym žyłfondzie pradajuć trojku pa $4200 za kvadrat. Čamu tak doraha?
U znakamitaj «hienieralskaj» stalincy kala parku Čaluskincaŭ, z voknaŭ jakoj adkryvajecca vid na ažyŭleny praśpiekt, pradajecca niezvyčajnaja kvatera, piša Onliner.by.
Žyllo płoščaj 95 «kvadrataŭ» źmiaściła nie tolki try žyłyja pakoi, ale i dva bałkony, a taksama łodžyju na supraćlehłym baku doma. Košt kvadratnaha mietra tut niatanny: kvateru pierapłanavali i «apranuli» ŭ sučasny interjer, jaki vyklikaje lohkuju zajzdraść. Ciapier šykoŭnaja trochpakajovaja kvatera z historyjaj šukaje novaha ŭładalnika, hatovaha zapłacić za jaje pa $4200 za «kvadrat».
U 40-ch hadach hetuju stalinku, jakoj siońnia nadali status historyka-kulturnaj kaštoŭnaści, budavali dla asablivaj katehoryi minčan. Adsiul — šyrokija vidy z voknaŭ, udałyja płaniroŭki i navat lifty, što jość daloka nie va ŭsich damach na praśpiekcie.
Sama kvatera raźmieščana na piatym paviersie. Jaje ahulnaja płošča — 95 «kvadrataŭ», ź jakich amal 60 — žyłyja.
Sučasnyja ŭładalniki padyšli da ramontu z usioj adkaznaściu: poŭnaściu zamienieny elektryka i santechnika, zrabili novuju ściažku padłohi, ustalavali novyja mižpakajovyja pieraharodki z hukaizalacyjaj.
Akramia hetaha, u kvatery praviali ŭdałuju pierapłaniroŭku: tut prastornaja haścioŭnia, vyłučanaja kuchnia z voknami na praśpiekt, dva sanvuzły i dźvie spalni.
Vokny tut premium-kłasa: škłopakiety Rehau 70 mm z furnituraj Schüco. Padvakońniki — z kvarcavaha kamienia, na voknach štory, jakija poŭnaściu błakujuć śviatło.
U kuchni zrabili akcent na sinim kolery: kamiennaja stalnica, jakaja pierachodzić u padvakońnik.
Technika nie ź biudžetnych: chaładzilnik Liebherr, pasudamyjnaja mašyna Bosch, hazavy varačny centr + duchavy šaf i vyciažka Smeg.
U haścioŭni na 24 «kvadraty» jość vychad na niezašklonuju łodžyju. Prastorny pakoj źmiaściŭ kanapu i vialiki abiedzienny stoł.
U dvuch sanvuzłach možna vybrać, što bolš pasuje: vanna ŭ adnym abo dušavaja kabina ŭ druhim.
Uładalniki hatovyja rasstacca z hetaj raskošaj (razam z meblaj) za $399 tysiač pa kursie.
-
U Minsku pradajuć zvyčajny zvonku dom, ale z bahatym načyńniem: pazałotaj, lapninaj i karcinami na ścienach
-
«Zastałosia ŭsiaho 6 kvater u horadzie». Na vychodnyja 9 maja razabrali arendnyja kvatery ŭ Hrodnie, Breście i Minsku. Ceny ŭražvajuć
-
U Minsku pradajuć niestandartnuju 3-uzroŭnievuju kvateru. Cana moža pryjemna ździvić
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Kamientary