Prodažy Tesla u Niamieččynie ŭpali na 76% na fonie skandałaŭ Maska ź nieadnaznačnymi žestami i padtrymkaj ultrapravych
Prodažy elektramabilaŭ marki Tesla u Niamieččynie ŭ lutym zvalilisia na 76% u hadavym vyrazie, da 1429 štuk. Heta vynikaje z dadzienych, jakija 5 sakavika pradstaviła Fiederalnaje aŭtamabilnaje viedamstva Niamieččyny. U cełym ža prodažy elektramabilaŭ pry hetym vyraśli ŭ lutym na 18%.
Ekśpierty źviazvajuć paharšeńnie prodažaŭ z vykazvańniami zasnavalnika kampanii Iłona Maska i jaho aktyŭnaściu ŭ administracyi Donalda Trampa, piša The Insider.
Tak, naprykład, Mask pavinšavaŭ lidarku krajnie pravaj partyi «Alternatyva dla Hiermanii» (AdH) Alisu Vajdel z dobrym vynikam na vybarach u Bundestah.
Paśla inaŭhuracyi prezidenta ZŠA Donalda Trampa ŭładalnik kampanij Tesla, SpaceX i sacsietki Twitter (jakuju jon pieranazvaŭ u Ch) Iłan Mask zrabiŭ ruch rukoj, padazrona padobny na nacysckaje pryvitańnie. Paźniej sam Mask zajaviŭ, što jaho niapravilna zrazumieli.
Tym nie mienš, dziejańni Maska spravakavali rezkuju krytyku, u tym liku siarod žycharoŭ Niamieččyny.
Papularnaść elektramabilaŭ Tesla źnižajecca nie tolki ŭ Niamieččynie. U lutym jaje prodažu ŭpali ŭ Francyi, Šviecyi, Narviehii i Danii na 42-48%. U Łondanie, Barsiełonie, Lisabonie i Rejkjaviku prajšli akcyi pratestu pierad aŭtasałonami kampanii.
Akcyi Tesla z pačatku hoda ŭpali na 29%.
Ahułam u Jeŭropie raspaŭsiudžvajucca zakliki da bajkotu amierykanskaj pradukcyi.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary