Zdaroŭje44

U jaki momant žančynie, jakaja naradžaje, treba vyklikać chutkuju? Mierkavańnie akušera-hiniekołaha i doktara chutkaj dapamohi

Da jakoha momantu ciažarnaja žančyna moža zastavacca doma, kab u vyniku rody nie pieratvarylisia ŭ kino z honkami pa horadzie i źjaŭleńniem dziciaci na śviet u mašynie?

Viktoryja Maćvijenka i doktar chutkaj dapamohi Aleh. Skrynšot videa

Akušer-hiniekołah ź Minska Viktoryja Maćvijenka viadzie papularny błoh, dzie raspaviadaje pra ciažarnaść i rody. Niadaŭna da jaje źviarnuŭsia doktar Aleh, jaki pracuje na chutkaj dapamozie, i zaklikaŭ paprasić biełarusak pierastać naradžać u mašynie chutkaj dapamohi.

Viktoryja zrabiła z Aleham hutarku dla svajho YouTube-kanała.

Doktar zhadaŭ samyja dziŭnyja vypadki sa svajoj praktyki, kali ciažarnyja vyklikali chutkuju dapamohu. Naprykład, była žančyna, jakaja patelefanavała ŭ 103 praz dreny son — joj pryśniłasia, byccam u jaje adbyŭsia vykidyš. Potym vyśvietliłasia, što ŭsio dobra.

— Samyja ekstraardynarnyja vypadki — kali žančyna z zališniaj vahoj vyklikaje chutkuju i skardzicca, što mocna balić žyvot. A kali pačynaješ ahlad, vyśviatlajecca, što tam ciažarnaść kala 34 tydniaŭ. I jana kaža: «Voś, hazy niejkija», — a heta ŭžo varušeńnie płoda.

Viktoryja Maćvijenka paćvierdziła, što takija vypadki ŭ Biełarusi sapraŭdy byvajuć. Da jaje ŭ radzilniu taksama pryvozili naradžać žančynu, jakaja nie viedała pra svaju ciažarnaść.

Aleh krytykuje žančyn, jakija, kali adčuli, što pačalisia rody, nie adrazu vyklikajuć chutkuju.

Ale Viktoryja Maćvijenka adznačaje, što, pa-pieršaje, ad momantu pieršych schvatak da aktyŭnaha pracesu moža prajści 8-10 hadzin, tamu jechać adrazu ŭ radzilniu asablivaha sensu niama. A pa-druhoje, sapraŭdy byvajuć imklivyja rody, jakija adbyvajucca vielmi chutka, — i pradkazać takoje zahadzia niemahčyma.

Što lepš rabić žančynie, jakaja pačała naradžać — telefanavać u chutkuju ci vyklikać taksi i samoj jechać u radzilniu?

U doktara chutkaj adkaz adnaznačny: jon śćviardžaje, što pryhožaj karcinki jak u kino, kali taksist na maksimalnaj chutkaści lacić u radzilniu, nie budzie.

— Zrazumiejcie, što, kali ŭ vas mocnyja schvatki, chutčej za ŭsio taksist spynicca i vykliča vam chutkuju dapamohu. Sapraŭdy byŭ taki vypadak: žančyna vyklikała taksi da radzilni, pačała naradžać prosta ŭ mašynie — i taksist spyniŭsia i patelefanavaŭ u chutkuju. Pašancavała, što spynilisia jany litaralna ŭ 200 mietrach ad padstancyi chutkaj dapamohi. Nie maje značeńnie, chto vas viazie: muž, tata, siabar… Kali čałaviek pabačyć, što vy voś-voś narodzicie, jon spužajecca. Jon nie budzie lacieć na maksimalnaj chutkaści, bo heta niebiaśpiečna.

Viktoryja ź im pahadžajecca:

— Pa-pieršaje, chutkaja viazie vas ź mihałkami. Pa-druhoje, doktar papiaredžvaje radzilniu, kab tam vas užo čakali i ŭsie byli hatovyja.

Nakont taho, kali ŭsio ž idealna ciažarnaj telefanavać u 103, mierkavańni miedykaŭ razyšlisia.

Doktar chutkaj dapamohi ličyć:

— Kali adyšli kalapłodnyja vody, užo treba pačynać spakojna rychtavacca — sabrać sumki, patelefanavać blizkim, kab skazać: «Ja chutka budu naradžać». Kali vy pačynajecie adčuvać schvatki, možacie vyklikać chutkuju. My pryjedziem i spakojna adviaziom vas u stacyjanar.

Doktar chutkaj dapamohi rekamienduje nie čakać taho momantu, kali ŭžo ciažka tryvać bol — u hetym vypadku, jość ryzyka, što chutkaja dapamoha, kali pryjedzie, budzie prymać rody ŭ kvatery.

— Byvajuć vypadki, kali havorać pa telefonie, što schvatki kožnuju chvilinu. Tut zrazumieła, što chutkaja nie paśpieje dajechać.

Ale Viktoryja, jakaja pracuje ŭ radzilni, ź im nie zusim zhodna.

— Ci treba na samaj pieršaj schvatcy jechać u radzilniu? Vialikaja častka žančyn naradžaje doŭha i manatonna, vielmi pavolna praces nabiraje abaroty. Schvatki mohuć być i trenirovačnymi.

Viktoryja ličyć, što dla žančyny pryjechać u radzilniu ŭ samym pačatku radavoj dziejnaści nie samy lepšy varyjant. Tamu što doma jość mahčymaść rassłabicca i ŭ bolš spakojnym stanoviščy pražyć schvatki.

— Nichto vas nie asudzić, kali vy pryjedziecie adrazu ž. Heta narmalna. Ale ŭ cełym, kali schvatki pačynajucca pavolna, vas bolš ničoha nie turbuje, vy adčuvajecie varušeńni dziciaci, vy možacie pabyć doma.

Akušer-hiniekołah kaža, što doma možna być da taho momantu, kali intervał pamiž schvatkami budzie składać 5 chvilin. Ale heta datyčycca tolki pieršych rodaŭ. Va ŭsich nastupnych vyjazdžać u radzilniu nieabchodna raniej (kali intervał 10 chvilin), tamu što pa statystycy jany prachodziać bolš imkliva.

— Padčas trecich rodaŭ moža nie być kłasičnych schvatak: schapiła-adpuściła. Moža vielmi mocna pačać ciahnuć žyvot — heta taksama nahoda jechać u radzilniu. Vy možacie dumać: «Ja jašče nie naradžaju», a tam užo poŭnaje raskryćcio.

Jość i jašče niuans:

— Kali ŭ žančyny maleńki pramiežak pamiž rodami (da 3 hadoŭ), jana taksama moža naradzić vielmi chutka. Tamu, kali ŭ vas rody byli paŭtara-dva hady tamu, možna jechać u radzilniu adrazu ž, kali vy adčuli, što schvatki rehularnyja.

Ale hałoŭnaj mierkaj Viktoryja nazyvaje emacyjanalny stan žančyny:

— U nas niama mety siadzieć jak maha daŭžej doma. Kali vam tryvožna, niespakojna, chvalujuča, vyklikajcie chutkuju i jedźcie ŭ radzilniu.

Kamientary4

  • Chutkaja
    10.03.2025
    Oleh etot maksimalno nieprijatnoje vpiečatlenije proizvodit. Hrustno, čto u vrača skoroj niet minimalnoho poniatija toho, čto, kak i počiemu proischodit v rodach
  • Bububu
    10.03.2025
    Paŭlik, nu skažy dziakuj, što choć niešta daviedaŭsia. A to mnie niešta zdajecca, što IQ u takich kamientataraŭ nižej za plintus
  • Niefanatka
    10.03.2025
    [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Usie naviny →
Usie naviny

Hładkaja nazvała Bondaravu i Mirsalimavu čarviami. Azaronak i Łukjanaŭ patrabujuć likvidacyi14

U Niderłandach zabity finansist, jaki raskazaŭ pra admyvańnie hrošaj, arhanizavanaje ŭ minskim H Casino4

Pamočnik Cichanoŭskaj Daniła Harkavy i dola nieviadomych10

Daždžy, ciapłyń, paśla zamarazki: voś što treba viedać pra nadvorje na vychadnyja i paśla

Pakładzicie limon u mikrachvaloŭku — piać chvilin kajfu harantavanyja4

U Minsk ściahvajecca vajskovaja technika1

U Vałhahradzie katafałk ulacieŭ u padziemny pierachod1

Cichanoŭskaja: Rasijskaja apazicyja pavinna dystancyjavacca ad impieryjalistyčnaha naratyvu21

Biełaruskaja čyhunka źbirajecca pravieści aptymizacyju štatu na 30%8

bolš čytanych navin
bolš łajkanych navin

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić