Karanavirusnaja infiekcyja ŭ Biełarusi ŭsio jašče fiksujecca, adnak adroźnić jaje ad inšych zachvorvańniaŭ składana, adznačyła Natalla Sało, doktarka ahulnaj praktyki, zahadčyca 2-ha adździaleńnia ahulnaj praktyki 10-j haradskoj palikliniki Minska, pišuć «Minsk-Naviny».
Pa słovach śpiecyjalista, simptomy i płyń karanavirusa padobnyja da inšych siezonnych infiekcyj, jakich ciapier šmat. Kab paćvierdzić dyjahnaz, pravodziacca śpiecyjalnyja testy.
— Dumaju, jon užo nie źniknie, a zastaniecca z nami ŭ vyhladzie siezonnaj infiekcyi. Tamu pra vakcynacyju zabyvacca nie varta, — padkreśliła miedyk.
Natalla Sało nahadała, što Ministerstva achovy zdaroŭja Biełarusi praciahnuła vakcynacyju ad hrypu i COVID-19 na 2025 hod, bo heta adziny dakazany mietad prafiłaktyki i abarony. Zaraz dastupnaja rasijskaja pryščepka «Kanvaseł».
— Jašče nie pozna vakcynavacca, kab paśpieŭ sfarmiravacca imunitet. Pakul epidemii hrypu nie nazirajecca, možna heta zrabić, — adznačyła doktarka.
Treba skazać, što ź lipienia 2022 hoda aficyjnyja ŭłady nie paviedamlajuć pra kolkaść vypadkaŭ kavidu ŭ krainie.
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju6
Kamientary