Sotni tysiač ludziej vyjšli na vulicy Białhrada na bujny mitynh u subotu. Prezident krainy Alaksandr Vučyč zajaviŭ, što ŭłady pavinny pačuć pasłańnie naroda.
Alaksandr Vučyč zaklikaŭ urad pačuć pasłańnie naroda i patrabavańni pratestoŭcaŭ.
«My dobra zrazumieli pasłańnie, i ŭsie čynoŭniki, jakija znachodziacca va ŭładzie, pavinny zrazumieć jaho, kali źbirajecca stolki ludziej. Nam daviadziecca źmianicca samim i šmat čamu navučycca», — skazaŭ Vučyč.
Jon taksama dadaŭ, što jamu jasna, što sierby chočuć pieramienaŭ, pieramienaŭ mirnych. Jon dadaŭ, što «hramadzianie Sierbii chočuć źmianić urad na vybarach».
Alaksandr Vučyč paviedamiŭ, što padčas pratesnych akcyj byli špitalizavanyja 56 čałaviek i amal dva dziasiatki čałaviek byli aryštavanyja za padbuchtorvańnie da hvałtu i vandalizmu.
Sotni tysiač sierbaŭ 15 sakavika pryniali ŭdzieł u mitynhu, jaki staŭ kulminacyjaj šmatmiesiačnych pratestaŭ suprać prezidenta Sierbii Alaksandra Vučyča i jaho ŭrada.
Niahledziačy na daždžlivaje nadvorje, vializnyja natoŭpy demanstrantaŭ apanavali centr Białhrada.
Pratesty pačalisia čatyry miesiacy tamu paśla taho, jak na čyhunačnaj stancyi na poŭnačy Sierbii abrynuŭsia bietonny navies, u vyniku čaho zahinuli 15 čałaviek. Mitynhi ŭ adkaz na trahiedyju ŭspychvali amal štodzień.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary
Namnoho proŝie vypisať u łukašienko hubopik, śpiecnaz karpienkova i druhich krasaucau, i tohda sierby budut słyšať vučiča.