Zajcy ź vialikimi morkvami i čyrvona-zialony vietraź. U Smarhoni prajšoŭ konkurs «Płavańnie na čym papała» ŠMAT FOTA
Čynoŭniki i biudžetniki spaborničali ŭ kreatyvie i karablebudaŭnictvie. A niekatoryja — i ŭ dziaržaŭnym patryjatyźmie.
U Smarhoni z nahody 3 lipienia prajšło niezvyčajnaje spabornictva «Płavańnie na čym papała». Kamandy arhanizacyj i pradpryjemstvaŭ horada musili zmajstravać płavalny srodak z padručnych materyjałaŭ, upryhožyć jaho i pravieści prezientacyju.
Paśla ŭsie samarobnyja sudny i płyty spuskali na vadu i ładzili honki. Pieramožcaŭ vyznačali ŭ niekalkich naminacyjach, piša «Śvietły šlach».
Naprykład, u konkursie na samaje aryhinalnaje techničnaje rašeńnie pieramahła kamanda zavoda «Smarhonskija małočnyja pradukty». Padajecca, sudździ dadali im bałaŭ za čyrvona-zialonyja vietrazi i nazvu karabla «Patryjot».
Samym chutkim akazałasia sudna smarhonskich kamunalnikaŭ. Jany vybrali kłasiku z punsovymi vietraziami. Svajo sudna supracoŭniki ŽKH nazvali «Miečta».
Aŭtarami samaha niepataplalnaha sudna stali miedyki z rajonnaj balnicy. Jany zbudavali płyt z dacham i šarykami. Niekatoryja z hetych šaroŭ, ščyra kažučy, byli davoli niebiaśpiečnych koleraŭ.
Pryz za lepšuju prezientacyju atrymaŭ kambinat chlebapraduktaŭ. Na hibrydzie płyta i łodki pracaŭniki kambinata ŭładkavali cełuju zonu adpačynku ź ležakom i vialikim parasonam.
Hran-pry konkursu atrymała kamanda ŽRESa, jakaja ŭładkavała na płycie vajskovuju palavuju kuchniu i nakarmiła supiernikaŭ kašaj.
Pieraformans pakazali i finansisty z Centra zabieśpiačeńnia dziejnaści biudžetnych arhanizacyj. Jany razyhrali Dzieda Mazaja i zajcaŭ, jakija prynieśli hihanckija morkvy.
A kamanda pieršaj škoły pryviezła na konkurs rusałku. Što praŭda, z sudnam piedahohi asabliva ničoha prydumlać nie stali: prosta nakinuli zielaniny na nadzimanuju łodku.
Supracoŭniki «Smarhońhaza» vyrašyli nahadać, što na dvary, miž inšym, Hod dobraŭparadkavańnia. Ich płyt vytrymaŭ i vialiki płakat, i dva niemaleńkija ściahi.
-
Šamietaviec: Paśla źniknieńnia ni Mielnikava, ni ad jaje imia na «Kibierpartyzanaŭ» nie vychodzili. Jana nie maje čym nas šantažavać
-
Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami
-
«Kibierpartyzany»: Nie treba raździmać paniku, što režym usio moža ŭzłamać, pračytać, pra ŭsio daviedacca. Nie, nie moža
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary