U kitajskich restaranach zamiest baraniny i jałavičyny mohuć padavać miasa janotaŭ i lis
Z rasśledavańnia žurnalistaŭ kitajskaj haziety The Paper vynikaje, što ŭ niekatoryja restarany Kitaja dastaŭlajuć tuški lis i janotaŭ, vyhadavanych na fiermach dla vytvorčaści futra. Taksama takoje miasa pradajuć anłajn i pastaŭlajuć pryvatnym asobam.
Paviedamlajecca, što žyviołahadoŭčyja fiermy ŭ rehijonach Tanšań, Chebej, Vejfan, Lińji i Šańdun pradajuć tuški janotaŭ i lis z vydalenymi ŭnutranymi orhanami i padskurnym tłuščam, vydajučy ich za jałavičynu, baraninu abo miasa trusa. Dla taho, kab abciažaryć identyfikacyju, mnohija pradaŭcy navat tušać i smažać falšyvaje miasa, a paśla zamarožvajuć jaho i pradajuć u restarany.
Takija tuški važać ad 3 da 3,5 kiłahramaŭ, a ich košt składaje prykładna 20 juaniaŭ (2,80 dalaraŭ ZŠA), raskazaŭ adzin z pradaŭcoŭ, jaki nie padazravaŭ, što havoryć z žurnalistam pad prykryćciom.
Ekśpierty adznačajuć, što padobnaje miasa niebiaśpiečnaje dla čałavieka praz toje, što pušnyja žyvioły vyroščvajucca ŭ antysanitarnych umovach, a ŭ ich kryvi znachodzicca mnostva taksičnych lekaŭ i harmonaŭ.
Da taho ž dla taho, kab takoje miasa było padobnym na jałavičynu, baraninu abo trusa, vykarystoŭvajuć chimičnuju «miasnuju esencyju», jakaja «kardynalna» mianiaje smak praduktu.
Pavodle źviestak žurnalistaŭ, asabliva šmat takoha miasa pradajecca ŭ listapadzie i śniežni, kali idzie narychtoŭka futra.
Kab raspłacicca z doŭham, Šry-Łanka pieradaść Kitaju 100 tysiač makak. Ale dla čaho?
Na Kamaroŭcy zaŭvažyli ceńniki na kitajskaj movie
U jakich restaranach adpačyvali minčuki ŭ 1980-ch — šmat nastalhičnych FOTA
«Układajusia ŭ 2,5 rubla». Kolki hrošaj biełarusy addajuć na abiedy ŭ stałoŭkach i kaviarniach
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary