«Kłasika savieckaj dypłamatyi» — Sikorski pryhoža padšpiliŭ Zacharavu
Nahodaj stała zajava Maskvy z nahody vychadu Polščy z Ataŭskaj kanviencyi.
Jak paviedamlałasia, 18 sakavika ministry abarony Estonii, Łatvii, Litvy i Polščy vypuścili sumiesnuju zajavu pra vychad hetych krain z Ataŭskaj kanviencyi. Jana praduhledžvaje admovu ad vykarystańnia supraćpiachotnych minaŭ, spynieńnie ich vytvorčaści i źniščeńnie zapasaŭ.
Polšča dałučyłasia da hetaha pahadnieńnia ŭ 2021 hodzie.
U sumiesnaj zajavie adznačałasia važnaść umacavańnia patencyjału strymlivańnia i abarony z uvahi na «niestabilnuju situacyju ŭ śfiery biaśpieki, źviazanaj z ahresijaj Rasii i stałaj pahrozaj, jakuju jana ŭjaŭlaje dla jeŭraatłantyčnaj supolnaści».
20 sakavika aficyjnaja pradstaŭnica MZS Rasii Maryja Zacharava na bryfinhu zajaviła: «Zrazumieła, my prymiem kroki ŭ adkaz u metach zabieśpiačeńnia abarony i biaśpieki krainy, u tym liku vajskova-techničnaj biaśpieki».
Zacharava adznačyła, što namier krain Jeŭropy vyjści ź mižnarodnaha pahadnieńnia śviedčyć pra ich hatoŭnaść «u lubuju siekundu» admovicca ad abaviazacielstvaŭ.
Hetaja zajava nie zastałasia pa-za ŭvahaj ministra zamiežnych spraŭ Polščy Radasłava Sikorskaha.
Klasyka sowieckiej dyplomacji. Rosja grozi nam odwetem za wyjście z konwencji o minach przeciwpiechotnych, do której sama nie należy.
«Kłasika savieckaj dypłamatyi. Rasija pahražaje nam pomstaj za vychad z Kanviencyi ab supraćpiachotnych minach, udzielnicaj jakoj jana sama nie źjaŭlajecca», — zaŭvažyŭ Sikorski na svajoj staroncy ŭ Ch u toj ža dzień.
Nahadajem, što siarod 164 krain, jakija padpisali Ataŭskuju kanviencyju, niama takich dziaržaŭ, jak Rasija, ZŠA i Kitaj.
U toj ža dzień ministr zamiežnych spraŭ Polščy ŭ intervju kanału Sky News zajaviŭ:
«Paśla troch hadoŭ bajavych dziejańniaŭ Pucin usio jašče vajuje na Danbasie i prajhraŭ vajnu na Čornym mory. Jon dakazaŭ, što nie zdolny ździejśnić apieratyŭny abo stratehičny praryŭ. (…)
Pucin choča ŭsiu Ukrainu. Jon admaŭlaje Ukrainie ŭ pravie na isnavańnie jak niezaležnaj, demakratyčnaj, prazachodniaj dziaržavy. Heta kłasičny kałanijalny naratyŭ, u jakim jon ujaŭlaje siabie jak čałavieka, jaki vyrašaje, chto moža być nacyjaj, a chto nie».
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB16
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
Chiba ty mient