Traćciakoŭskaja halereja zapuściła 18-chvilinnuju anłajn-ekskursiju z udziełam biełaruskaha błohiera Ułada Bumahi, paviedamlaje TASS. Prajekt pradstaŭleny na servisie «VK videa».
Błohier aśviatlaje historyju stvareńnia dzieviaci karcin sa zboru muzieja. U ich liku — «Dziaŭčynka ź piersikami» Valancina Siarova, «Sutyčka ź finlandskimi kantrabandystami» Vasila Chudziakova, «Miesiacovaja noč na Dniapry» Archipa Kuindžy, «Varažbitka» Michaiła Urubiela», «Ranica ŭ sasnovym lesie» Ivana Šyškina i inšyja.
Bumaha taksama raskazvaje pra vizity Valancina Siarova da impieratara Mikałaja II, padčas jakich žyvapisiec vioŭ pracu nad partreta samaŭładcy.
Kiraŭnictva muzieja spadziajecca, što aŭtarski maršrut Bumahi «dapamoža maładoj aŭdytoryi pa-novamu zirnuć na muziej i, spadziajusia, padšturchnie ich da naviedvańnia halerei, kab užo ŭžyvuju paznajomicca z tvorami».
Raniej stała viadoma, što va Ułada Bumahi nie pajšoŭ biznes u Rasii. Jahonaja kampanija «Bumažnaja bumaha», jakaja zajmałasia prodažam snekaŭ, paviedamiła kredytoram pra namier źviarnucca ŭ arbitražny sud z zajavaj ab bankructvie.
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom18
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary