U Smalavičach vynieśli prysud mužčynu, jaki pa-sadyscku zabiŭ sabaku
U Smalavičach vynieśli prysud mužčynu, jaki na zamovu zabiŭ sabaku-dvarniaka. Za žorstkaje abychodžańnie z žyviołaj jamu pryznačyli dvuchmiesiačny aryšt, paviedamlaje sajt smolevichi-24.by.
U kancy śniežnia 2024 hoda susiedka paabiacała žycharu Smalavickaha rajona 25 rubloŭ, kab jon zabiŭ biesparodnaha sabaku.
Mužčyna paviesiŭ sabaku na štykietnik i nie mienš za dva razy ŭdaryŭ jaho abuchom siakiery pa hałavie i śpinie. Žyvioła vyrvałasia i pasprabavała źbiehčy, ale viaskoviec jaje dahnaŭ i jašče try razy udaryŭ pa śpinie. Paśla jon pryviazaŭ jašče žyvoha sabaku da płota, abmataŭšy viaroŭku vakoł dreva, i pakinuŭ pamirać.
«U vyniku dziejańniaŭ abvinavačanaha śmierć sabaki nastupiła nie mienš čym praz dvoje sutak z-za prypynieńnia sercabićcia na fonie atrymanych traŭmaŭ i pieraachaładžeńnia», — raskazali ŭ prakuratury.
Mužčynu sudzili za žorstkaje abychodžańnie z žyviolinaj (č. 1 art. 339-1) i pryznačyli jamu aryšt na dva miesiacy.
Kamientary